父子遊馬灣大自然公園

老婆坐緊月要閉關，但我們唔想錯失秋天郊遊好時機，在八號風球後的一天我們兩父子便去了馬灣大自然公園。大自然公園屬於馬灣公園免費的一部份，好多人都將馬灣公園和挪亞方舟劃上等號，其實大自然公園更早落成。

公園內滿佈呢隻公仔的路牌，阿仔都忍唔住問佢係度做緊咩

馬灣這地方很適合無車的我們，坐船和專線巴士都很方便。為了增加阿仔的樂趣，我們選擇了由荃灣坐船前往（以往班次較密，現在只剩一日三班）。當船隻經過汀九橋橋底時，他表現得甚為雀躍。

落船後需要行經一條林蔭大道，感覺甚為舒適

大自然公園是一個向公眾開放的免費私營公園，在香港比較少見（背後的利益關係，請自行搜尋）。和一般郊野公園比較，這裡的面積並不算大，只是一座小山以不同路線劃成多個區域。可能因為是私營的關係，路線設計得十分好行，適合小朋友和長者。

全公園都是木板路，非常好行

汲水門大橋和（應該係）扮一隻鳥的藝術品

對行山人士來說，這裡的程度十分小學雞。我個人認為這裡作為培養小朋友行山興趣的一個起步點卻很合適，安全易行，沿途都有有趣的東西觀看。作為家人老少散步地點亦不錯，兩個小時內可以行完所有景點。

樹幹製造的椅子，長出菇來，夠膽坐嗎？

今天的花費很少。船票大人$12，小童$6，計埋坐巴士去荃灣，交通費約$50。食了兩塊冰菠蘿，一杯雪糕和兩串魚蛋，約$30。

---------------------------------------------------------------------------------------------------------

多謝支持睇到尾，有任何意見或感想都歡迎寫低留言，你的留言是對作者的最大支持。

如果想最快睇到我的新文章，請Like半桶水爸爸的Facebook專頁或以RSS feed追蹤半桶水爸爸。