陳慧琳都算係我呢一代八十後既集體回憶。
佢唱歌唔算一流,但會記得幾首佢既歌。演技非常一般,但又會記得幾套佢主演同客串既電影。加上佢係娛樂圈既實際活躍時期唔算好長,有咁既成績同人氣都算係天時地利人和既巧妙結合。
娛樂既野呢度唔講咁多,最後放幾張劇照俾大家重溫下就算。
番正題,陳慧琳最近幫某保險公司賣廣告,推銷一份名為「童創未來」的儲蓄保險,大大聲咁講可以有高達400%回報。
我哋講家庭理財,呢種以應付兒童將來教育需要為賣點的儲蓄保險產品,其實早就應該講。不過另一方面,我一直強調保險就係保險,唔應該混合儲蓄或投資,所以對儲蓄保險興趣不大。不過,今次見到陳慧琳(好啦,我都係承認係佢fans吧),無辦法唔捧場睇下。