2017年4月1日 星期六

半桶水基金 2017第一季季結

一季做一次回顧,感覺上好似好耐咁,中途發生了不少事和下了不少決定(不作任何行動也是一種決定呢)。但寫太多太密,唔好講其他人,自己都未必會睇。所以暫時都係一季一次回顧就算,將來或者再更長時間先一次,哈哈。

"阿爸,我買重你架,唔好搞到零回報呀!" - 純粹惡搞

投資基金 — 追求優於大市的回報


投資基金分配
日期 指數ETF 個別股票/期權 REIT 現金 總數
目標 50% 30% 10% 10% 100%
1/1/2017 33.1% 36.59% 5.03% 25.28% 100%
31/3/2017 34.18% 30.76% 10.13% 24.93% 100%


第一季半桶水投資基金每單位增長6%,跑輸恆指和國指。在一月的開倉文我曾經咁樣講

「美股不斷破頂,現時沒有勇氣買入相關指數,可能最後都只能增持盈富基金去達標。」

結果美股繼續升半成,盈富和H指更升足一成。指數ETF依然未能達到心水目標分配,話唔埋有一日不問價買入。

個股方面如願地沽出了亙太和SOHO,做到三成的目標。金沙應該都唔會留多好耐,行業反彈基本上已完成,不期望再有任何突破。招商銀行和以往一樣,交出了同行中最強的業績,非利息收入佔比愈來愈多,成本收入比愈來愈低,好變態!另外還持有偉易達(第一季跌左一成呀,頂!)和大快活。

REIT部份成功達到一成的目標!一月中不問價買入冠君,結果此股在買入後升了足足14%,比第一季升了13%的招商銀行更強,成為組合內最強成員。相反另一成員置富卻下跌了兩個百分比以上,股價走勢既野我真係識條鐵。

有見指數部份遲遲未能達到目標水平,現金水平又偏高,第二季會考慮調整各部份的分配水平。有機會將指數部份的目標降低,加大REIT部份,正在留意新加坡REIT和美國的REIT ETF,亦可能增持現有的置富和冠君。

投資基金2017第一季走勢
投資基金2017第一季走勢

高息基金 — 追求穩定和優於一般存款的利息回報


高息基金分配
日期 現金 高息優先股 總數
目標 70% 30% 100%
1/1/2017 80.27% 19.73% 100%
31/3/2017 73.47% 26.53% 100%

優先股繼續只得一隻HSEB,在三月頭增持了一點,但依然未到三成的目標。

另外因為在新公司有員工高息儲蓄户口優惠,所以現在這高息基金內的現金便有公司員工儲蓄户口和按揭掛鈎存款兩個存放點了。

由於早前的射倉優惠利息尚未收到,員工儲蓄户口的利息又半年才派發一次,所以這高息基金會出現少許滯後。

將來有可能在資金較多時加入部份公司債,到時再講。現時高息基金的預期利息回報是四厘多少少。

高息基金2017第一季走勢
高息基金2017第一季走勢

大家在第一季的表現如何?有跟隨大市上升嗎?


有興趣了解兩隻半桶水基金成立的原因,請睇半桶水資產配置,一月開倉情況請睇半桶水資產配置 - 開始運作

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

11 則留言:

  1. 你有足夠的現金比例,機會一到,好快可以跑贏恒指。

    回覆刪除
    回覆
    1. 現金多有利有弊啦,就像第一季便錯過了大市的升幅。

      刪除
  2. 期待ETF睇到成效~!
    睇文就話好,但長遠應輸比指數少少。。。但主動ETF又高手續費。

    回覆刪除
    回覆
    1. 指數etf雖然低成本,但始終係有成本,比指數有小量誤差可以接受。

      今季兩隻ETF都升差不多一成,我十分滿意架啦

      刪除
  3. 多謝Mike兄分享!
    好奇一問,高息基金會唔會加入債券?仲有點解REIT唔係歸入高息基金而係投資基金?

    回覆刪除
    回覆
    1. 唔駛客氣,我這些分享純粹講自己,風兄的才是珍貴的資訊,我轉發給了不少朋友呢。

      哈哈,風兄係咪無睇到尾?

      “將來有可能在資金較多時加入部份公司債,到時再講。”

      其實現在的優先股有七厘已經很不錯,將來資金多左或者想提升組合的多樣性,才考慮債券吧。

      至於REIT的分類,呢層我真係無深入諗過。純粹覺得REIT股價比較波動,和高息基金穩定收息的原意有無咁夾。不過都多謝風兄提醒,我會考慮下。

      刪除
  4. 0778我都昅咗一排,希望8月派息前可揾個好位入👍

    回覆刪除
    回覆
    1. 778今季相對大市和其他reit都弱,我都諗緊加碼

      刪除
    2. 得到Cherry姐公開青睞,778今日立即逆市升兩個百分點,利害利害

      刪除
  5. 我由年頭一直想入2778,但無奈價位越升越有,唯有繼續等等。

    另外,想請教mike兄點解對2778有興趣?我自己就覺得2778嘅物業組合非常簡單,好容易分析。寫字樓收入非常穩定,唯一變數係朗豪坊,因爲turnover rent係2016年仲係跌緊。但我自己睇法係朗豪坊定位係本地消費者,而且地理位置優越吸引到國内自由行。所以就算香港零售市道+國内訪港人數普通,朗豪坊嘅影響程度比海港城,時代廣場等高級商場低。

    回覆刪除
    回覆
    1. 好野係難入。我會咁嘗試,定一個目標日子,到期都未到價就跟市價買,信市場好過。

      2778我既諗法同你一樣。佢雖然只得兩隻資產,但卻是本地房託中質素最高,甚至勝過部分收租股。中環的花園道三號地點一流,中資外資排住租。旺角本身好特別,朗豪坊係旺角之中亦好特別,本地一般階層的年青客佔比極高,抗跌能力好強。

      刪除