2018年3月8日 星期四

慳錢夫婦

我地兩公婆真係好慳

大家都應該知道,支出比收入更能決定你的財富,極高儲蓄率可以提早退休環遊世界

重覆一次,我地兩公婆真係好慳。由大學讀電腦,到畢業出黎做IT狗,前前後後十幾年。我地終於買第一部手提電腦。


IBM Thinkpad x200s,配備Core2Due L9600 CPU、4G RAM、320G harddisk,盛惠六百二十蚊人仔。

人仔?620蚊?

無錯,我地幾十歲人買既第一部手提電腦,竟然係淘寶2手貨。精美包裝、火牛跟香港製式三腳插、送電腦袋滑鼠等無謂野,睇住我收貨拆盒的同事話新既一樣。

十年前的貨色,開機一分鐘都唔駛,快。充電後玩左個零鐘仲有60%電,持久。

最擔心係電,畢竟中國的都會爆炸,緊記唔可以通宵或無人係屋企的時候充電。第二樣係擔心數據,二手硬碟信唔過,上週末係黃金買左隻Transcend SSD硬碟,買完先知原來SSD都有分SLC、MLC和TLC,買左速度和耐用度都較弱的TLC。


原來換notebook harddisk咁簡單,拆螺絲,一抽一插就搞掂。


可能上天見我地買labtop咁平,慳左筆錢,就俾個機會我地換電視。

屋企部電視係2010年新婚加新居,父母送的禮物,都話有爸媽的孩子像個寶,Panasonic 42" Plasma電視,當時絕對係天價,如果要自己俾錢肯定唔會買咁貴。

星期日部電視竟然開著兩秒之後自動熄機,我早一晚仲用佢黎睇《教父》,而五年保用亦老早過了。

偵探一般的老婆發現電視在自動熄機後會閃動紅燈11下,上網調查得知原來紅燈閃動11下代表風扇可能有問題(詳情看附錄),再上網睇下,竟然有人話可以係淘寶廿蚊買隻風扇換左佢。

順便講下,都係網上資料,原廠師傅上門檢查費是$750,一隻風扇$150。今時今日,4K電視都係賣緊$4K,俾千幾蚊去維修一部差不多十年電視真係好令人卻步。但自己試下未嘗不可,結果我便在週一晚上拆開了自己的電視機。

拆開了的Plasma
拆開了的Plasma

好肯定咁講,用左咁耐的電視機入面當然佈滿灰塵,風扇更加係重災區,堆積的灰塵比扇葉更厚!

神奇的事情發生了,我在清潔風扇後,電視竟然神奇地恢復正常!!!!

更神奇的事情,是原來我不是孤獨的電視維修員,電視回複正常後竟然見到石堅和萬子良都係度整緊電視機,幾咁橋。

石堅萬子良整電視
石堅萬子良整電視

我地兩公婆真係好慳,買二手電腦,自己維修電視(其實我早前還成功維修了數碼相機的shutter),平凡打工仔可以俾太太做全職媽媽都係靠慳(前提是老婆願意做這苦工),但在喜歡的地方倒不會太慳。

70兄share了一位自稱貴族的人兄給我們,他的言論得啖笑,無謂提了,但那位人兄曬命的餐廳我卻一眼認出,因為我都食過唔少。。。


其實識搵,識慳,仲要識駛。

-----

附錄 - 電視閃燈意思

電源閃1下 DG板 不良(與MICOM聯繫錯誤)
電源閃2下 P板或D板不良(15V SOS)
電源閃3下 P板或D板不良(3.3 SOS)
電源閃4下 P板不良(POWER SOS)
電源閃5下 P板或D板不良(5V SOS)
電源閃6下 SC板 或 SD板 或 D板 或 PANEL不良(須逐步檢測)
電源閃7下 SC板 或 SD板 或 D板 或 P板 或 PDP PANEL不良(須逐步檢測)
電源閃8下 SS板 或SC板 或 P板 或 D板 不良(須逐步檢測)
電源閃10下 P板 或 H板 或 DG板 不良(SUB 5V SOS ,MAIN3.3V SOS ,DTV 9V SOS)
電源閃11下 PB板 或 H板 或 DG板 不良(FAN SOS)
電源閃12下 P板或H板不良(SOUND SOS)
電源閃13下 DG板 不良(通訊錯誤 檢測IC8001)

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

這是你的第一次到訪嗎?由這裡開始認識我們吧。

想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

Related Posts Plugin for WordPress, Blogger...

28 則留言:

  1. 我都自認慳, 但睇到C兄後真自愧不如...

    回覆刪除
    回覆
    1. 哈哈哈,其實好多地方都用錢用得好多,旅遊飲食個D,自己覺得合理就會去馬

      刪除
  2. 你呢篇正,強帖留名。
    一黎實用,二黎攪笑,三黎有介紹我!
    哈哈哈哈。。。

    回覆刪除
    回覆
    1. 哈哈哈,我自己覺得幸運多於實用。

      70兄多人識過我啦,我沾光就真

      刪除
  3. 節儉度勁過 99% 香港人,勁!

    回覆刪除
  4. 當年我部手提電腦(IBM)都係壞風扇, 大概係底板著左, 風扇唔夠轉數所會自動熄番機~
    大學有維修, 不過3年半過左保養, 佢唔肯同我開機, 不過叫我可以拆到見到風扇, 最後我清左幾粒塵出黎, 真係著得番!!!!

    之前我屋企人電腦開唔著, 都係同一個原因~不過個個係底板CPU風扇~
    所以通常啲野開唔著, 我都會睇風扇先, 尤其屋企多塵,電子產品入面又唔會定期清...

    回覆刪除
    回覆
    1. 多謝師兄分享,我部desktop都試過幾次掃塵後自動康復。

      有個朋友曾經係屋邨商場開左間電腦鋪做維修,佢都講過好多時都係吸下塵就無事。

      正所謂reboot能解百病,吸塵能起死回生!

      刪除
  5. 回覆
    1. 客氣了。咩都試下,全靠偉大既淘寶。

      刪除
  6. 做IT既 係公司一定要有部手提吸塵機架
    原來半爸兄都係做IT,看來是高管或是SW方面的了。
    如果可以的話就交換contact 有機會交流吓啦 :)

    回覆刪除
    回覆
    1. 聽完你咁講,我望望身邊既同事,無人有吸塵機呢。。。

      可能如似你咁講,做systems既,無玩咁多硬件野。

      我email係darthmike@gmail.com

      刪除
  7. 強人爸爸,做爸爸要識埋維修家裡的多樣野,風火水電都包埋,就可以慳返不少,我自己會洗冷氣,維修水電,做要整埋自己部電話,IPhone 爆芒上淘X淘都不用一百人仔搞掂,上網有好多視頻教學....

    回覆刪除
    回覆
    1. 嘩,大家都好強,我成日都想幫個仔維修玩具,但次次都唔成功。。。

      上網真係咩都有,之前有個網友自己整洗衣機。。。

      刪除
  8. 我都試過幫自己部LAPTOP換KEYPAD
    電視真係未整過
    同埋你真係慳到!! 好多老人家都會自愧不如!!

    回覆刪除
    回覆
    1. 老人家先鍾意咩都自己整呀,樣樣野都可以用幾十年

      換keypad難過換harddisk,要拆多D野

      刪除
  9. 慳字上終於與到強手,小弟(也是IT狗😆)的x200s,10年前的貨識換了SSD64GB用到大前年因最多只有512RAM,和要讀書進修在校買了人生第二部的手提電腦。
    不過,在看半桶水兄的舊文,在各方面都要向半桶水爸爸學習!🙇🙇(剛好太太也是暫時全職湊小朋友)

    回覆刪除
    回覆
    1. 512MB RAM!! 行咩OS?

      唔好講咩學習,我都係見步行步

      刪除
  10. 讚!睇嚟自己救 mon 呢會事都唔係我孤獨一人。
    其實多時,電視/Monitor 都係壞 Power board,如果可以淘寶買到相對o既 Power board 就可以救翻一件電子產品,減小浪費。Plasma 電視o既 Power Consumption 都唔細呢。

    回覆刪除
    回覆
    1. 最緊要都係淘寶買到零件,換底板好高難度呢,師兄好利害!

      係啦,製造電子垃圾真係唔多好。

      Plasma仲好熱呀,不過又未去到需要因為咁而換機。

      刪除
  11. 認同最後一句,“識搵、識慳、仲要識洗”。洗錢係一大學問。以飯煲為例,我見好多人買幾千蚊嘅ih電飯煲,我自己最近買左一個$7xx嘅p記電飯煲,煮d飯好好食,內膽又夠耐磨。我都係睇“性價比”做決定。

    回覆刪除
    回覆
    1. 我部電飯煲都係由結婚用到而家,差不多十年了,幾百蚊貨仔。

      而家新式個D好似好多功能,無研究過,不過我諗未必用得著。

      刪除
  12. 閃左十一下夫人都留意到兼數到,佩服佩服。

    回覆刪除
  13. 本人手上有一部x220, 去年換了SSD 後有如重獲新生。看畢Mike 兄的文章, 有如找到同路人。

    回覆刪除
  14. C兄兩公婆真係天生一對, 要慳都要有人樂意同你一齊慳! 整電器真係幾孤獨, 有人幫你睇閃燈,真係好幸福啊~~~~~
    二手NOTEBOOK 重生, Plasma電視復活, 有赖有心人既努力!

    回覆刪除
    回覆
    1. // 要慳都要有人樂意同你一齊慳
      我諗主要原因係我哋對電視電腦都無咩要求,最緊要耐用。情願將錢花在真正需要鍾意的地方。

      // 整電器真係幾孤獨, 有人幫你睇閃燈,真係好幸福啊~~~~~
      師兄誤會了,事前研究我哋係分開做,實際整個陣得我一個架咋。而家兩個小朋友都仲細,我哋兩公婆真係好難可以共同地做一件事。

      除咗慳錢,我哋都希望盡量減少浪費。

      刪除