2016年12月2日 星期五

稅貸投資兩年回顧(真人失敗個案)

兩年前,送了一份特別的生日禮物給自己

那是一個兩年期的稅務貸款,今個月剛剛還清,是時候做一個總結。借貸目的好清晰,就是先行借入假設自己即將會儲蓄到的金錢,早一步用作投資,目標是賺到比貸款利息更高的回報。


貸款金額二十萬,年利率1.75厘,還款期兩年,每月還款$8,486,全期利息$3,664。現在回顧一下整個計劃及成效如何。

投資項目


定時還本的貸款都有一個先天缺陷,這就是借貸人需要每月準備一筆錢去還債,這特性直接局限了投資物的選擇,像稅貸這類只得一至兩年的短期貸款便更為明顯。好簡單咁講,我們不能夠利用整筆貸款去做銀行定期,因為銀行不容許每個月從定期中提取一部份。如果將整筆借貸投資了,便需要每月賣貨還錢,當中的交易的費用亦不容小觀。

為了方便起見及節省交易費用,我的投資目標就是直接將整筆貸款資金加入本人的半桶水基金。我一直使用基金單位形式計算資金回報,由2014年12月至今的基金價格每月變化如下,另配上同期盈富基金(已加回股息)走勢以作參考。

半桶水基金成績第一次公開!!!

半桶水基金和盈富基金﹝連股息﹞比較圖
半桶水基金和盈富基金﹝連股息﹞比較圖

操作和計算回報的方法


操作方面,簡單而言就是分為投資者的我和基金經理的我兩個角色。一開始作為基金經理的我向作為投資者的我增發九十個基金單位以吸納整筆資金﹝根據當時上月的基金單位價格決定增發的數目﹞,然後投資者的我每月都會贖回部份基金單位以用作還款,而那些基金單位會立即被註銷。買賣價格以上月基金單位價格為準,基金單位交易只取整數,每月還款不足的金額撥歸下月。因為這是自己操作的基金,自己免除自己所有交易費用(基金內的買賣費用在基金內扣除)。

這種操作方法有點兒類似月供股票的相反。

計算回報的方法很直接,假如作為投資者的我在還清欠款後,手上仍然持有基金單位,那些便是利潤。相反,假如已經賣清所有基金單位,要動用其他資產去還錢,便明顯地是蝕本了。

兩年投資結果


經過兩年的運作,作為投資者的我那九十個基金單位,在第二十三個月已經賣清光,最後一個月的還款需要倒欠四個基金單位。好明題,賺錢不成反而蝕錢了,回報是-4.44%。

無可厚非,回報並不理想,並沒有賺到任何額外回報。最明顯的問題根源是錯誤選擇了投資目標,半桶水基金在這兩年內大部份時間都比投入稅貸時的價格低,每個月賣出基金單位去還錢都是實現了損失。半桶水基金內現金比率過高和現金部份的回報率低,我正在著數解決現金部份回報低的問題,當然選股部份也有很多需要改善的地方。

假如當初是全數買入盈富基金,回報是-1.5%,稍勝。

阿Q精神咁講,可以話自己賺了經驗。稅貸的確提供了一個低成本的資金﹝今年比我兩年前申請時更加低息﹞,但因為每月還息還本的局限性,投資者需要小心計算好自己有足夠現金流去支持。如果想玩套息,直接將貸款投入有固定利息的投資目標會更佳。

大家有無試過借貸投資?有無計過成效如何?要做得比我好應該好容易。


---------------------------------------------------------------------------------------------------------

如果想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

Related Posts Plugin for WordPress, Blogger...

37 則留言:

  1. 投資有賺有蝕乃平常事,汲取到經驗便可,Mike兄加油!

    回覆刪除
    回覆
    1. 多謝支持

      最衰是2015落後得太多,2016表現不錯,以基金單位計算,2016年追回了2015的損失

      刪除
  2. Mike兄加油!

    小弟的回顧 :
    2015 - 2016 :
    貸款金額5萬,年利率1.88厘,還款期1年,每月還款$4,245,全期利息$940。
    - 額外HK$500現金券獎賞(coupon)
    - 現金回贈 HK$500 + 現金回贈 HK$200
    - step up interest total : HKD$208
    Remark : 小試牛刀 - 測試每月還款壓力 + 纯食 step up interest

    2016 - 2017 :
    貸款金額8.1萬,年利率0.5厘,還款期1年,每月還款$6,784,全期利息$405。
    - 一手收息股 , 預期一年收$600 (期望可以同全期利息平手)
    - 其餘八成等,可能冇用
    Remark : 小試牛刀 2.0 - 測試每月還款壓力 + 投資股票回報測試





    回覆刪除
    回覆
    1. 年利率0.5%咁平?可否分享下邊間?

      刪除
    2. Step-up interest個玩法比較煩,我放棄左,因為有更高息的按揭掛鈎存款

      搵到咁多回贈,你都好利害,有無計過回贈定再低息少少著數d?

      第二年點解可以咁低息既?0.5%真係非一般咁低!

      刪除
    3. 搵到咁多回贈,你都好利害,有無計過回贈定再低息少少著數d?

      我估低息少少著數d過回贈
      回贈如果要早還有機會比人追返(e.g. 想上會)


      年利率0.5%咁平?可否分享下邊間?
      幫人賣廣告好似不太好
      please search follow keyword on google "0.5%劃一手續費"

      刪除
    4. 你呢個方法幾好,一搵就搵到

      0.5%真係好短息,一年同埋最多十萬,要小心計好數

      刪除
  3. 1.75厘,好平。
    不過還款期太短很難做到有效運用,記得魔術師師兄寫過呢個題目,有很詳細的解釋。

    回覆刪除
    回覆
    1. 魔術師兄好似用貸款買hsea/hseb和reit等息率較穩定的資產去套息,我當年未識咁玩

      刪除
    2. 以稅貸呢類短錢去套息,其原理跟股票按揭一樣:
      http://magician__yang.mysinablog.com/index.php?op=ViewArticle&articleId=13111982

      刪除
    3. 咁用稅貸似乎比証劵行的股票按揭低息和自由得多

      刪除
    4. 傻喇. 股票按揭雖然息高,但逼你100%投資,相比稅貸,美其名多咗自由度,但如果只係投資50%借回來的金錢,則investment expected return 就要比原來的多兩倍才可以balance,愈現有得多配金愈代表你「借多咗」,仲要俾息,效率唔夠股票按揭。

      刪除
    5. 呢d咪係自由既代價,哈哈哈

      刪除
  4. 1.75厘真係幾平,如果可以做到4/5年就重正。年期長d,做套息都ok,但得兩年就用黎做備用現金等低位既機會。

    回覆刪除
    回覆
    1. 舊年同今年好多仲低息過1.75%,完全感受唔到加息週期

      刪除
  5. 1.75厘雖然平,但兩年太短真係好難做到成績,所以森而好少會考慮短期借貸,寧願學人每兩年轉按兼套現,不過之後唔知仲有冇機會咁做。

    回覆刪除
    回覆
    1. 當時我第一次借錢投資(唔計買樓),都專登搵個兩年期試下,有些只得一年仲難做。

      我都等緊罰息期完左又轉按,我仲有大半年

      刪除
  6. 美國就無咁好嘅錢借,私貸下下都講緊十幾廿% :(

    回覆刪除
    回覆
    1. 塘人兄指美國的無抵押貸款無咁低息?

      香港銀行呢幾年稅貸方面真係鬥得好勁,地鐵報紙雜誌好多廣告

      刪除
    2. Sofi同Earnest借過5-6%,三年期,幾萬。

      刪除
    3. 多謝早月兄分享

      塘人兄可以留意下早月兄提到的兩間公司,不過我諗你而家用IB咁低息都未必會諗私貸了

      刪除
  7. 要還本的貨款我覺得好難計得掂,除非年期夠長。
    如果兩年,舊錢係度等市跌定係即入市好?
    要個MARGIN戶口又好,OVERDRAFT戶口又好,唔駛還本個人無咁大壓力,無咁易意亂情迷按錯制。

    回覆刪除
    回覆
    1. 揸住舊錢係度等,又有成本時限又短,真係好容易亂咁入貨

      刪除
  8. 多謝分享!欣賞咁有系統的review!!
    前幾年都試過這個方法,因要每月還本,很心急入貨,但真係財不入急門...

    回覆刪除
    回覆
    1. 多謝賞面

      除左心急入貨,另外仲有可能因為有閒錢,影響了止蝕的決心

      刪除
  9. 我都打算借25萬, 2.2% APR 分12期還

    回覆刪除
    回覆
    1. 2.2%係邊間,應該有唔少更低息的選擇

      12期係咪即係一年?好快就過

      刪除
    2. 大貓, 但原來建行仲平~ 1.32%
      12個月

      刪除
    3. Cxxx 最平offer 過到1.18比我
      12個月, 其實越遲越平
      I mean just before end of dec

      刪除
    4. 我諗好睇市場環境和其他競爭對手的息口,有機會愈遲愈低,亦有機會相反,雖然近年少見咁既情況

      刪除
  10. 實戰經驗無比重要,可能為Mike兄下一次的勝仗打下良好基礎。加油喔!

    回覆刪除
    回覆
    1. Tom兄好耐無見,還是那麼忙嗎?

      承你貴言,當時借稅貸係我第一次借錢投資,之後約大半年後便加按了自住樓,一下子將可動用資金增加了很多

      刪除
  11. 今年tax loan間間都offer 一厘幾, 真係痴線。

    我都借咗2間, 擺落mortgage linked cover 利息, 以備不時之需。

    回覆刪除
    回覆
    1. 一厘幾真係好低,有間仲要做到四年,我都好心動,不過係唔想用盡每月還款的空間

      刪除
  12. 回覆
    1. 多謝支持,希望將來可以分享更多這類實際操作

      刪除