半桶水爸爸自小在街頭長大，自問惡人傻人都見得多。今次同仔仔係玩具店遇上一名頑童，竟然搞到保護唔到仔仔，諗番轉頭真係無鬼用。
話說在剛過去的星期六，我地一家三口去了行玩具店（好大間，玩具放哂出來任玩果間）。其實我地經常都去這玩具店，俾仔仔行下玩下咩都搞下，放下電，佢又唔會扭計要買玩具。
當日玩具店放了兩塊白板及一些磁石字母，兩塊白板打對面放，各有一堆磁石字母，河水不犯井水。仔仔在一邊玩緊，另一邊有個哥哥仔玩緊。那個哥哥仔大約五歲，還有一個弟弟，爸爸媽媽和他們來的。
那個哥哥仔對他的白板及字母十分緊張，任何小朋友行經他的位置，他也會舉起手去格擋，即使人家根本對他沒有任何興趣。
無耐之後，仔仔玩到無咩興趣，起身走人，但係仲揸住一個字母磁石，半桶水爸爸諗住等佢唔覺意就拎番放回原位。點知果個哥哥仔都見到，縱使我地已經行過左幾行，果位字母原本亦唔屬於佢果邊，佢都要跑住咁走埋我地度話要攞番。
太太見到佢來勢洶洶，立即出聲提醒站在兒子身旁的半桶水爸爸小心。半桶水爸爸立即同果位哥哥仔講，那塊磁石並不是屬於佢玩緊個塊板。但說是遲那時快，他已經從仔仔手中搶走字母磁石，可憐的仔仔都唔知發生左咩事！
事後回想，半桶水爸爸實在是做錯左。果位哥哥仔明顯係有問題，佢父母又唔多理佢，由一開始我就一心只想盡快擺脫佢，不要和他多作交涉。加上半桶水爸爸一向崇尚自由成長，很多時都盡量讓仔仔自己接觸事物。但今次真的沒有好好咁保護仔仔，其實如果覺都個哥哥仔有問題，就應該保護好仔仔。畢竟仔仔歲半都未夠，點可能知道要小心咩人。
今次真係上左寶貴既一課，幸好仔仔咩事都無。
最後都無大損傷，又不用太自責呢。讓孩子自己摸索這個世界是好事，當然遇到太危險的人和事還是要保護的。
回覆刪除當係一個教訓啦，自己做爸爸經驗尚淺，好多野都未收放得宜，重揾緊一把尺。
刪除我以前在教育中心工作，見過不少霸道的小朋友。例如他們看到前方有人擋住他們的去路，他們會直接把他們推開；而那些知道身後有人要經過的小朋友，也不會主動讓開，結果就出現了很多的摩擦。
回覆刪除這並不是個別例子，而是十個小朋友，有九個都是這樣子。就連簡單的「唔該借借」，當時我也花了不少心神去教他們。
我不是為人父母，但看到周圍的小朋友都只顧自己而毫不禮讓，都忍不住出聲教導。
那時我和不少家長談過，知道不少小朋友的雙親都要工作，老一輩對小朋友千依百順，工人姐姐又不會教他們這些禮儀，因此造就不少霸童。我也深深感受到身教對小朋友的重要性。
等到你的小朋友長大了一點，你可以把這件事告訴他，再慢慢教導他待人處事的態度。畢竟對小朋友來說，這不是一兩日就能學會的事，愈早學愈好。
雲地你的留言剛才被當成spam，真的不好意思。
刪除多謝你的分享。
我也認為錯不在小朋友，家庭及週邊環境才是問題根源。家長真的需要從小以身作則去教導小朋友。