2018年10月25日 星期四

我有今日

一早起身去跑步,拉筋的時候望下網上新聞,標普500和道指急跌蒸發全年升幅,納指破七年單日最大跌幅。然後加埋恒指日瀉數百點,騰訊不斷破底,匯控被橋水沽空一億股。世界末日到了麼?

未到既,要跌仲有好多空間去跌,反彈隨時有(只係偏偏港股無),錢財身外物,太著緊反而累事。

作為一個人類,如果經常需要以身家、收入和權力來刷存在感和令自己快樂,可能有人鍾意呢種方式,我自己就唔係咁接受呢一套。


四大長老身體健康,老婆活得開心自在,子女健康快樂成長,我覺得這些比甚麼都重要。

阿仔下年升小學,我們替他選擇了四間直資小學,第一輪面試全部也完成了,最後結果係點仲未知。基本上那些說面試不重視學術的都是空話,看來乖乖坐定定講英文才是“那種地方”的成功之道。

老婆講得好,如果真係要入這些學校,一開始便不應該讓孩子進入標榜開心快樂的幼稚園,阿仔而家果間仲要被喻為區內最開心。

反正我們一秒也沒有後悔過。

回到幾年前阿仔返學之前,我們希望孩子愛上學習,知道怎樣和別人相處過群體生活。這些希望現在都是超額完成。

其實孩子係邊度返學都好,都是很大程度在走別人安排的路,最重要和最需要的能力應該是走出自己的路吧。學術甚麼的,平安過渡便可以,反正拿A的都是為拿C的打工。

阿女剛剛足兩歲,返左一個多星期兩歲班,暫時都係喊住返學笑住放學,平時問佢都話學校好玩同埋鍾意返學,就係每日都唔捨得離別,希望早點適應啦。

十一月開始便是阿女面試幼稚園,最想當然係阿哥而家果間,但競爭極度激烈。

而家兩兄妹愈來愈多一齊玩,雖然順帶爭執都多左,但這是必經之路,反正都是培養他們相處之道。

下個月會同阿仔去親子旅行,一大班K3學生同埋佢哋既爸爸去體驗生活五日,學校講明係辛苦,媽媽們表示極度擔心,爸爸好似未識驚,不過會好掛住老婆同囡囡。

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

這是你的第一次到訪嗎?由這裡開始認識我們吧。

想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

12 則留言:

  1. 與家人相處, 此刻無價.
    股市有上有落, 唔理佢啦.

    回覆刪除
  2. 夠豁達,生活自然快樂,讚。

    回覆刪除
    回覆
    1. 其實我都係一個幾執著既人,不過只係對於自己真正重要的地方

      刪除
  3. Mike兄是好爸爸,孩子能在快樂的家庭成長。太多家長逼迫自己的孩子,比老闆逼迫自己更堪。父母不能保證孩子的將來,但絕對有能力給予孩子一個快樂的童年。

    回覆刪除
    回覆
    1. 對呀,三兄講得好,好肯定咁講,父母對子女的影響力絕對比老闆對員工的影響力大。

      我哋其實連現時的情況也未能搞得懂,但有很多人去替小孩假設將來是怎樣,活在當下最重要吧。

      刪除
  4. 小弟都準備阿仔k1 interview。十分認同mike嫂所講,要入直資私立小學,幼稚園就唔可以揀太happy嘅學校,我可以做嘅係揀一間學術語境足夠、又可以令小朋友讀得開心嘅幼稚園、興趣班就睇阿仔興趣報啦。

    越準備越多越發現呢家嘅教育機制對收入普通嘅家庭係好唔公平,因為語境好嘅幼稚園大多係私立,而且越來越多小學係直私

    回覆刪除
    回覆
    1. 有需求就有供應,只可以話愈來愈多家長希望在選校方面有自主權,而唔係等大抽獎。而且確實直資私立的學校自由度較大和資源較多,可以做到更多既野,雖然學野多唔一定對學生好。

      我諗如果唔係有金錢考慮,大部份人都去哂讀國際學校,讀得開心,出嚟又排得比其他人前。

      刪除
  5. 不與人比較,開心享受家庭樂,夠了!

    回覆刪除
    回覆
    1. 睇闊D,世界咁大,就會發現自己好細小

      刪除
  6. 錢財身外物, 最緊要自己同身邊人身體健康

    回覆刪除
    回覆
    1. 係呀,身體唔好,幾有錢幾叻都無用

      刪除