差不多兩年前寫過自己的投資原則和投資壞習慣，今次就講下投資後的跟進，當然不單只買左咩股票就幫襯咩公司咁簡單。
前人教落，買入一隻股票時要寫低買入的原因，以及需要注意的事項，方便日後定期跟進。跟進時要確保買入原因依然成立，和跟進一下需要注意的事項，以檢視公司有沒有變質，自己是不是投資在一樣自己想投資的股票上。
這個道理很簡單，理論上買入之前應該做了一些研究才決定買入，亦應該有一些導致買入的原因。如果買入後只看股價做人，未免太不理智。過了一兩年後，當初的記憶已經無左七七八八，從新研究由零開始亦未免費時失事。一開始便將買入原因寫低，便省卻了一些時間，亦有效地令自已更清楚買入的原因﹝寫出來和只在內心幻想的分別﹞。
偏偏咁簡單又似乎很正確的道理，並不是很多人做到，半桶水爸爸就係其中一份子。一直想做，但就係一直都無做。我會定期檢視持股，通常在業績公佈或有特別消息之後，但係研究完之後從來都唔會特別寫低要點，一陣子之後便會忘記。而且業績的著眼點是公司運作如何，一間運作良好的公司，可以已經完全變了質，變成和當初買入的原因完全無關。
今天下定決心，為手上的九隻持股簡短地寫下持有原因及注意事項。
九隻股票中有三隻我都寫上了穩定收入為其中一個持有原因，如果投資係性格既延續，咁我都真係幾追求穩定。同時我亦為兩隻寫上了期望某國家或行業復甦，他們也是我在接刀接到滿手鮮血所留下來的。合埋咁睇，似乎我都幾鍾意穩定地接刀。
令我感到震驚的是，當中有兩隻真的諗唔到繼續持有的原因，都係盡快賣左他們吧。
相關文章
---------------------------------------------------------------------------------------------------------
多謝支持睇到尾，有任何意見或感想都歡迎寫低留言，你的留言是對作者的最大支持。
如果想最快睇到我的新文章，請Like半桶水爸爸的Facebook專頁或以RSS feed追蹤半桶水爸爸。
你的投資好有紀律呢!
回覆刪除有冇邊隻同當初持有原因不同, 但又因為其他原因KEEP 住?
(如內銀再減派, 可能我都會沽Q左佢.)
如果一直都有咁做就係有紀律，我而家先剛剛開始，睇下係咪保持到。
刪除持有原因中途改變係可以接受既，最重要係自己要知道自己做緊咩。
隻股票做唔到自己想佢做到既野，又見唔到短期有改善既機會，沽q左佢絕對係非常正確既行為。
呢個係一個很好既方法. 我都喜歡寫低原因. 好多時買完隻股票自然有很多主觀憧憬, 所以沒有紀錄和策略的投資, 十分危險.
回覆刪除互相加油!
無錯無錯，主觀憧憬真係有時害死自己，好容易變左自己幫自己解話。
刪除多謝支持，一起努力，認真投資有好報。
拿寫blog作自己分析買賣股票的記錄，這習慣很不錯，我有時亦會回看自己的舊文，看看三幾年前自己的想法如何，有時會感到非常有趣的。
回覆刪除我的持股原因暫時不會放在blog內，只是十分簡單的幾個point，自己參考就可以，無謂影響別人了。
刪除閒時睇下舊文章，就像正在閱讀一個老朋友的往事，我也覺得很有趣。
一直想做定期檢視持股：手持十支以上的股票，要每一支都定期跟進真的很難，愈來愈明白為何同時只要持有幾支股票的道理。
回覆刪除太多真係難控制，特別是業績期，睇業績都有排睇。
刪除又要做取捨，多幾份投資，定係留番時間俾其他野。
Mike兄真係好有紀律!持股9隻，有時真係會唔太記得個别股的業績及變動，所以記錄下來也有益處。
回覆刪除Investing through discipline
刪除想做同真係做到有分別，開始做到同一直做到又有分別，一起努力吧。
認真的態度是必須。
回覆刪除當然啦，真金白銀自己錢，得來不易，當然要認真處理
刪除定期做review真係好重要！
回覆刪除無錯。不過有時都會覺得自己做得好表面，無其他師兄弟們做得咁深入。
刪除其實有o係業績期跟進持股已經唔錯，我自己都係咁做，最多間中睇下持股既相關新聞。
回覆刪除其實我們這類業餘投資者係幾危險。以我為例，以為自己做左功課，但其實只係好表面咁睇下業績，重感覺多於計算，可能係靠運氣居多。
刪除都係架，所謂做功課，其實都係睇下業績，上網左搵右搵其他人對呢隻股既評價，再自己做總結。但所謂既分析，一黎唔知岩唔岩，二黎財務報表係咪真係識睇，當識睇又唔知有幾多成係真，所以我都認同係講運多。
刪除所以我都愈轉愈多去指數etf
刪除最近我都有寫得原因同睇完業績寫少少觀察點啊~ 到下次考慮增持/減持時有很好的提醒作用。
回覆刪除人老左，有咩都係寫低比較好。
刪除森而係少數退步既人，以前曾經有記錄買入原因，但後來停左，除左因為懶之外，仲覺得會陷入心理盲點，一直尋找證據證明自己買入原因無錯，直到無得救為止。
回覆刪除真係要注意心理盲點，好容易去搵野證明自己正確，眼中只有自己想睇既野。
刪除我都是喜歡透過寫bolg紀錄自己的想法和學習，是很不錯的習慣！ 加油！
回覆刪除多謝支持。
刪除有時都會覺得這些文章有時間性，過了一排可能變得失去參考價值，畢竟作者無可能在一篇文章中將所以要點寫下，但用作反省或回顧一下自己的思考方法也是不錯。