上星期短遊馬交，住和搭船當然都係用番金沙啦，遇著打風，幸好一切正常。此遊的重頭戲是史力加音樂劇，和一個三歲小孩睇音樂劇實在是一個不簡單的任務，我們也作好隨時離場的心理準備。阿仔的表現十分良好，睇得好投入及開心，事後很快便表示想再睇。其實阿仔一向都鍾意史力加，最初也是他在地鐵看到這個音樂劇廣告的，事後證明只是我們過份擔心。
從前聽說澳門科學館是一個很適合小朋友玩耍的地方，今次阿仔到了一個可以自己走來走去歲數，便和他去了玩，確實無介紹錯，時間充裕的大可玩上半日。
早前在書展買了兩本親子手工書，一本機械人和一本動物，十分簡單，適合完全沒有美勞能力的半桶水爸爸，現在大約隔天和仔仔整一隻。
屋企附近有沙灘，當然唔少得去玩沙吹吹海風。
相關文章
我個仔仔都仍未放暑期、下週才開始放、你咁快放左已經過1/3~~~~哈哈
回覆刪除果然好介紹、我會考慮下去行下澳門科學館
哈哈，新學校暑假比較長，舊學校暑假只得兩星期，舊同學們今個星期開左學了。
刪除澳門科學館真係幾好。如果天氣無咁熱，可以去公園租電動車玩，好抵。
對, 澳門科學館好似幾正!~~~~
回覆刪除我仔女讀平民學校, 都係九月才開學.
入場費仲要好平！
刪除交通勉強算ok，碼頭有巴士到門口，如果要返碼頭就要行去金沙門口，約行五分鐘，全程露天!
香港科學館都幾好玩，夠小朋友玩一個下午，澳門果個好唔好過香港？
回覆刪除我自己覺得澳門科學館好玩d。有個區域係玩工程力學，好似去左playhouse咁。另外有個區域玩水，真係可以玩到濕身。
刪除而香港科學館就大d，每樣種類既野都有好多件不同既展品。
其實兩個都係好地方。
咁下次去澳門啲小朋友有嘢啱玩，謝謝分享！
刪除如果天氣無咁熱，仲可以去滑草，玩電動車，坐超短途吊車，玩水上單車。澳門仲有不少未被內地人攻佔的玩意。
刪除