2016年8月7日 星期日

網上分享廣告賺錢體驗

unicef donation receipt

大約舊年年尾,從網友塘人兄那兒看到他曾經利用網上填問卷賺錢,當時心諗利用無聊時間填下問劵,有錢收似乎唔錯,便花了點時間去研究。

當時立即搵到Google的Opinion Rewards,它的運作模式十分簡單,就是做問劵賺Play Credit,賺取的Play Credit可以在Play Store買野。可惜我自己從未試過在Play Store買野,有Play Credit都可能只會亂用,對我無咩用。

之後發現了一些本地網頁也在填問卷賺錢的活動,稍為看了一眼,那些問卷水蛇春咁長,一份起碼要做20分鐘,我也立即放棄了。

反而在找尋的過程,發現了一個廣告分享app,運作模式是網上睇廣告然後在facebook或whatapps等分享賺分,亦可以安裝一些新app去賺分,經這個app去申請信用卡亦可以賺分,儲夠分可以換現金劵。最大壞處是污染了自己的網上紀錄,分享了一大堆廣告。感覺上需要花的時間並不多,我從舊年十一月開始參與這遊戲。

親身體驗後確定所需要花的時間並不多,事實上亦不是每日有新廣告,每次任務所花的時間也只是數分鐘﹝電話在播放廣告時,你的眼睛實際在看甚麼是沒有人知道的﹞。玩了半年有多,已經利用賺取的積分捐贈了四百元,第一次試驗捐一百,今次一次捐三百。

為什麼要捐錢?因為捐錢的效益比換取現金劵高,捐贈有九折優惠,即是假設我需要一千分才能換取一百蚊超市現金劵,九百分便可以捐一百蚊。

玩了半年,污染了自己的網上紀錄及朋友們的facebook或whatapps也足夠了,就此收手。

個人感覺,賺這些濕碎錢,還是賺銀行那些新户口或出糧户口回贈比較容易。

8 則留言:

  1. 呵呵, 其實而家通常都係我老婆玩, 不過問卷只係一少部分, 佢最搵到錢既係Focus Group Study, 有時玩唔夠一個鐘就過百美元, 不過就係幾花時間

    回覆刪除
    回覆
    1. 我記得塘人兄仲有玩神秘客人去幫店舖評分,好佩服,完全唔知邊度有門路。

      刪除
    2. 唔知呢個係唔係呢, 不過都係小心Check清楚
      http://www.mystery-shopper.com.hk/zh-hant/recruit

      刪除
    3. wow,又做左伸手黨,睇下先,多謝塘人兄!

      刪除
  2. 我成日都想加個AD SENSE 做善事.

    回覆刪除
    回覆
    1. 我以前另一個blog有試過,但要真係有人click先有收益。老實講我自己從未試過click網上廣告,除左按錯,好懷疑成效,所以而家都無玩。

      刪除
  3. 做善事真的很有意思,對小朋友是好的身教!
    我個人就很懶,只是每月户口自動捐款呢~

    回覆刪除
    回覆
    1. 哈,説來慚愧,其實我好少捐錢。我會同小朋友參加學校賣旗活動,亦有向佢講解過金錢的其中一個用途是幫助有需要的人。

      刪除