做運動，有氧定無氧

真男人真風格有一篇文章講十個給年青人的成功貼士，基本上好老生常談，最引起我注意是第五點跑少一點舉多一點(Run Less – Lift More)。作者強調有氧和無氧運動都是很好的習慣，但基於運動後過耗氧量的分別，他建議年輕的自己多做運動過後消耗能量效果更佳的無氧運動。

其實道理很簡單，用會計術語咁講，有氧運動係一筆過收益，無氧運動係經常性收益。肌肉消耗能量，無氧運動使身體建構更多肌肉，效果細水長流。

以前都寫個一篇文章講運動的習慣，講到自己會多做無氧運動，增強一些核心肌群去幫助消脂，但自己恆心不足，成效並不顯著。

月光下的汀九橋和青馬大橋

我覺得有氧運動也有不少優點，很多時進行有氧運動時身體都係重覆同一組動作，例如跑步游水單車，有大量時間可以讓腦袋放空胡思亂想，感覺幾爽。在生活中能夠有時間去放空一下，其實很幸福。

大約兩個月前，和仔仔去了運動場跑步，跑下行下咁完成左四個圈，佢玩得好開心，我亦好滿足。遲下大個少少可以同佢一齊跑街，再大少少我就跟唔上佢了。

另外半桶水爸爸早前去了驗身，咩事都無，係個肺弱左少少。醫生建議做多一些會喘氣的運動，所以都係盡量安排番跑步時間比較好。

加上有咁靚既景，唔跑真係好浪費。

相關文章

• 運動的習慣
• 入冬的運動

---------------------------------------------------------------------------------------------------------

多謝支持睇到尾，有任何意見或感想都歡迎寫低留言，你的留言是對作者的最大支持。

如果想最快睇到我的新文章，請Like半桶水爸爸的Facebook專頁或以RSS feed追蹤半桶水爸爸。