2016年9月19日 星期一

阿仔轉校開學

時間唔等人,咁快就連中秋都過埋,一早一晚都有幾分秋天的涼意。

中秋節假期晨早去玩沙
中秋節假期晨早去玩沙

阿仔已經開學兩星期,在新學校的適應似乎不錯。對我兩公婆來說,沒有重演一年前開始返學頭三個月的慘況,已經十分值得慶祝。

以目前來說,由全日轉半日這個決定還是利多於弊的。太太當然勞碌了不少,腹大便便仲要湊返學放學。上課時間又只得三個鐘,好多野都唔夠時間做,完全唔可以和以往全日班返七小時比較。

轉半日班的其中一個目的是希望放學後可以和他多去不同的地方,唔駛成日都困係學校和屋企兩個地方,這目的暫時也是達到了的。

另外他近日亦提起希望繼續學畫畫和游水,我們在暑假前停了畫畫班,游水則是我們給他唯一的暑期興趣班。他能夠主動提出學習興趣,我們當然感到恩惠,亦有理由相信這和他現在返半日班多了空閒時間有關,畢竟有空間才可以容納更多的東西。

剛開學數天,阿仔已經和我們說他很喜歡現在的兩位老師。他亦經常主動跟我們說校內的事情,相信他在這兒的適應也是不錯。

舊校一班十二人,現在一班廿幾人。阿仔也記得現時班中幾位同學的名稱,熟絡程度現階段當然無可能及得上舊校的同學仔,但我相信應該好快便會找到朋友仔。

轉校開校呢關總算可以當過左,幾星期後便是另一關了。

和爺爺去行山頂
和爺爺去行山頂

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feed追蹤半桶水爸爸

Related Posts Plugin for WordPress, Blogger...

22 則留言:

  1. 全日班變相托兒所。
    小朋友,番三四個鐘學就好夠,留係屋企安全感多好多。

    回覆刪除
    回覆
    1. 我諗全日班既原意就係幫那些日頭真係搵唔到人照顧的家庭

      刪除
  2. 幼稚園七個鐘真係好辛苦。

    回覆刪除
    回覆
    1. 早餐,午餐,下午茶再加午睡,同埋去下排洗,好充實架

      刪除
  3. 要咁細個的小朋友返全日制,真的很辛苦呢。Mike兄和太太今次的决定明智,俾番囝囝多些童年=)

    回覆刪除
    回覆
    1. 辛苦左太太,以前阿仔返全日,佢時間充裕好多

      刪除
  4. 辛苦而幸福的階段。小朋友大啲會冇咁辛苦,但當佢地思想越來越成熟,即使感情仍然好好,溝通上也難免有少少隔膜,冇咁甜蜜了。

    回覆刪除
    回覆
    1. 池兄真係過來人,講出要點。我自己好珍惜而家既親子時間,過左點都追唔番。

      刪除
  5. 幾時開始傳授半兄的溝女神技?

    回覆刪除
  6. 全日制唔make sense, 細路一個. 比我個感覺係父母太忙, 唯有放仔女在學校...

    回覆刪除
    回覆
    1. 全日制都有優點既,學生自理能力會較強,和同學仔的友誼也較好。

      但我哋都係決定留番個位俾有需要既家庭啦

      刪除
  7. 老師真係好緊要,阿仔幼稚園時話好鍾意個老師,而家小一就話個班主任好惡,都有啲擔心。

    回覆刪除
    回覆
    1. 同意,老師真係好緊要。對幼稚園學生而言,老師在學校係要做埋父母既形象,俾安全感小朋友。

      刪除
  8. 以前我小學都重係半日制,有上下午校,做完功課都重有唔少時間落街玩。

    回覆刪除
    回覆
    1. 我都係返上午校小學,係呢十幾年先愈來愈多小學變全日制

      刪除
  9. 睇番一些blog友的舊link, 原來mike兄年輕時是戲迷, 跟我一樣! 唔知mike兄結婚後仲有冇咁多時間睇戲?

    回覆刪除
    回覆
    1. 結婚之後無少左時間睇戲,甚至多左時間睇,因為老婆都好鍾意睇。反而生仔之後就去少左戲院,因為唔係咁想專登拜託別人照顧小朋友。

      阿仔而家夠大夠耐性,我哋都試過同佢睇兩次戲,佢都可以坐定定睇哂,當然係卡通片啦,不過起碼俾我哋有番入戲院睇戲呢個娛樂。

      Joseph鍾意睇咩戲?

      刪除
    2. 咩類型戲都可以睇, 曾試過有一段時間, 不停睇幾十年前的舊戲(美國,歐洲,日本的), 現在的戲, 間唔中都有好野, 但美國hollywood的戲愈來愈少佳作了, 反而香港或附近國家一些小成本製作, 仲有心機過一些大陸或美國的大製作.

      刪除
    3. 日本舊戲我只係睇過幾套黑澤明,美國就應該係教父系列、星戰系列和活地阿倫早期個幾套,歐洲暫時諗唔到有咩舊戲。

      近幾年日本,台灣和韓國都有一些小品式電影令人印象深刻。

      刪除