話說本網站由大約兩年多前開始放置AdSense廣告，多謝各位一直的支持，於2018年終於累積夠八百大元這條支付界限，收到由Google直接傳入户口的款項。
好了，最近收到香港稅局的綠色信封，需要為剛過去的年度報稅，我便好奇地諗，這些從Google收到的收入是否需要報稅呢？
好正常都會諗，數目咁細，即使漏報了，稅局也不會追究。
事實上我也認同以上呢點，但我的好奇心驅使我繼續花了時間去調查。我發現並沒有那個本地博客或討論區有明確的答案，倒是發現一些海外公司或海外收入或產生收入地點等愈講愈複雜的討論。
回歸基本步，在AdSense的條款原來已經清楚列明，節錄如下。
7. 稅項簡單直接咁講，Google AdSense向網主支付的款項含稅，即是各位網主在報稅時需要包括這些收入了。
在貴方與 Google 之間，Google 負責承擔 Google 與廣告客戶之間與資源上展示之廣告有關的交易產生的所有稅項 (如適用)。貴方負責承擔與服務相關的所有稅項 (如適用)，但不包括基於 Google 淨收入的稅項。Google 就服務向貴方支付的所有款項將被視為含稅 (如適用)，並且不會作出調整。若 Google 有義務從支付予貴方的款項中預扣任何稅項，Google 將通知貴方，並將向貴方支付扣除該稅項後的款項。若由 Google 支付任何稅項，Google 將向貴方提供已付稅之證據的正本或經核證的副本 (或其他能夠證明已付稅之充分證據)。
---------------------------------------------------------------------------------------------------------
多謝支持睇到尾，有任何意見或感想都歡迎寫低留言，你的留言是對作者的最大支持。
這是你的第一次到訪嗎？由這裡開始認識我們吧。
想最快睇到我的新文章，請以RSS feed和Email接收半桶水爸爸最新文章。
恰巧小弟剛剛也在寫關於谷糠的文章。但不知原來谷糠收入居然也要交稅。。。又長知識了。
回覆刪除我認為AdSense收入對網主其實唔多公平，眼球收入極少，要有讀者按廣告才有較實際的幾蚊雞。不過願者上釣既，我整AdSense有好大既原因係想試玩，預左極少錢。
刪除以近排每逄推銷慳稅三寶都攞黎用既17%去計，八舊水就無左百三蚊，名符其實既雞肋。
//我認為AdSense收入對網主其實唔多公平，眼球收入極少，要有讀者按廣告才有較實際的幾蚊雞。
刪除-->所以做谷糠博客，不如做谷糠股東。哈哈！
// 做谷糠博客，不如做谷糠股東
刪除絕對係
OH MY GOD，我真的不知道原來這也要報稅的。
回覆刪除雲地兄讀者眾多，相信唔係小數目，如果漏報就考慮下補番啦。
刪除我都係上年年尾先開，所以都係得800幾蚊咋。本來諗住將D廣告費用來做善事，唔知道原來咁都要報稅。不過我都剛剛補番喇~
刪除記住認可慈善捐款可以扣稅呀
刪除我估無乜人會理，一來實在太雞碎，二來香港政府可以查到咩？或者，香港政府會查嗎？
回覆刪除是的是的，數目太細，只係我自己好奇心驅使我去調查
刪除好在你有呢個好奇心，我地先知原則上要報稅。我係比較好奇如果政府要查，點查？有無權叫Google報？要Google公開香港付款資料？定逐個Blogger銀行戶口查？
刪除純粹斷估，我覺得最大機會係被Google當作公司支出資料咁報。不過被追究的機會真的極細，香港稅局水浸，唔似歐美國家要週圍挖。
刪除還好我無加到廣告, 煩少一樣野 !
回覆刪除世上本無事
刪除路過好奇一問，結果閣下將那800元如何處理。哈哈。自己友
回覆刪除我也很好奇，為什麼你會好奇想知道我怎樣處理自己的收入，哈哈哈
刪除最近小弟也在被"報稅"所困擾，Google Adsense的收入在報稅方面需不需要商業登記？
回覆刪除詳情：https://www.ird.gov.hk/chi/tax/bre_erp.htm
但就快過交稅表 Deadline，怕趕唔徹申請。
我無做商業登記，純粹係個人入息個度填多一條紀錄。不過我唔肯定正確做法係點。
刪除但係第一句話 在貴方與 Google 之間，Google 負責承擔 Google 與廣告客戶之間與資源上展示之廣告有關的交易產生的所有稅項 (如適用).
回覆刪除唔係指佢比我地既錢係已經扣左稅咩..咁點解我地仲要報 咁咪比double
我既理解係，Google從廣告客戶得到既收入，由Google交稅，我哋從Google 得到既收入，由我哋交稅。正如我哋打工既公司要為盈利交稅，我哋員工亦需要為人工交稅。
刪除香港採用地域來源原則，重點係「利益是否在香港產生」。香港稅務局有一個例子同香港做YouTube性質好似：
回覆刪除提供服務的地點
業務單位為顧客的產品覓得買家或為顧客所需產品覓得供應商而賺取佣金，安排委托人進行業務交易，便是產生該筆佣金收入的有關活動。進行有關活動的地點，便是這項收入的來源地。如這類活動在香港進行，則該佣金收入的來源地便是香港。
委托人的所在地、代理人如何尋找委托人，以及賺取佣金前後的相關活動在何處進行等問題，通常都與確定佣金收入來源地無關。
在香港經營業務的人士賺取佣金收入，但產生佣金的活動全部都在香港以外進行，則該筆佣金不須在香港課稅。
所以仔細黎講，好基於你嘅廣告收入由邊一個地方產生。如果你拍嘅片嘅廣告收益原於香港，需要交稅。如果你拍片好多德國人睇，同時由德國產生廣告收益，則不用交稅。
其實樓主應該要睇返你同Google AdSense邊間公司簽約，有四間在不同地方的公司。如果無他國身份，應採用上述的原則處理。不過如果多錢就搵返稅務顧問幫手啦。
你都可以搵稅局就營商利潤的來源地提供事先裁定服務，搵稅局決定確定利潤是否於香港產生或得自香港。
https://www.ird.gov.hk/chi/paf/bus_pft_tsp.htm
多謝你咁詳細既資料，我呢度極大部份訪客都係來自香港，相信是需要交香港稅項的了。
刪除