如果說長和系的股價近期大幅跑輸是因為李澤鉅折讓效應,那麼長江基建的股價下滑便是擔心失去李澤鉅效應吧。畢竟李澤鉅先生一直執掌此公司而且成績有目共睹,市場要擔心的應該是李生在全面接掌長和系後失去在長建的專注力吧。
但與其擔心這些子非魚焉知魚之樂的問題,我認為不如擔心長江基建盈利的增長能力。
一圖勝萬言,這還不是增長型公司?﹝摘自長江基建2017年報﹞ |
我的擔憂主要有兩點,第一是電能實業﹝6﹞已被抽乾,現金牛也需要回氣,短時間內已不能再進貢甚麼給長建;第二是長江基建的規模已經很大,一般的收購項目對盈利增長幫助很輕微。加息甚麼的我倒不太擔心,長江基建的管理層有可能是全港上市公司當中計算最精準的一群,加息可能反而有助汰弱留強。
有說股價是市場對公司盈利前景的投射,背負著股息連續廿一年增長的紀錄,市場對長江基建的期望是增長型公司,上面說的第二點便是擔心長建難以繼續利用收購造到明顯的增長,而第一點亦限制了長建收購的能力。
殘酷的市場對增長型公司和大笨象型公司在市盈率的容納程度相差很大,如果市場對一間公司的定位改變,在在盈利不變的情況下,市盈率可以由幾十倍變成幾倍,對投資者而言這絕對是重大損失。
既然係咁,點解要買?真係咁鍾意接刀?
第一,我並不認為長建的收購會停下來,只是現時資產價格水漲船高,強行提價收購反而入貴貨,唔買反而是好事。另一方面,這亦代表長江基建持有的資產愈來愈值錢。
(摘自長江基建2017年報) |
第二,長江基建持有多個地區的基建項目,供水、發電、天然氣、鐵路交通等,基本上都是生活必需品,防守性極高。
第三,我認為市場是對李嘉誠退休過份擔憂了。
我有睇過Livermore既書,知道唔應該接刀,知道認為市場錯誤是愚蠢的行為。
如文章開頭所講,我今次只是買了很少,正牌大大聲細細注,我還在觀察感受中,大家不要隨便跟風呀。
---------------------------------------------------------------------------------------------------------
多謝支持睇到尾,有任何意見或感想都歡迎寫低留言,你的留言是對作者的最大支持。
這是你的第一次到訪嗎?由這裡開始認識我們吧。
想最快睇到我的新文章,請Like半桶水爸爸的Facebook專頁或以RSS feed和Email接收半桶水爸爸最新文章。
跌足大半年才買,也不算接刀了吧。
回覆刪除過去一年的收購量很大,今年才正式全面反映,相信會有驚喜。
況且點跌都好,股息都頂到,我並不太擔心。
R兄你好,希望係執刀,然後反彈
刪除我也期待DUET和ista的貢獻
有一個憂慮就係當長建派息不能維持年年增加, 就算係持平, 帶來的後果都係毀滅性的
回覆刪除呢D就係增長既惡夢
刪除作者已經移除這則留言。
回覆刪除增持少少加強組合防守,相當合理。加上Mike兄能耐性在較低價格入貨,安全邊際較大。當然,仍要持續留意業務發展。
回覆刪除長建我真係等左好多年,係觀察名單擺到鋪塵,希望而家唔係等到變質
刪除超執刀就真!
回覆刪除如長線少少, 長建係我心水頭三位啦.
買嘢當然係大減價時至買
刪除70兄眼光運氣俱備,快D入手幫我壯下膽
刪除而家已經減左價啦
刪除點解唔揀1號仔長和?
回覆刪除Kelvin
長和現價都很吸引。
刪除如果要比較,長和比長建多了零售和電訊,整體收入預見度無長建咁高,而且長和受李嘉誠退休的影響會較大,穩定性較低,但同樣地反彈應會較強。
市場目前最擔心既係
回覆刪除工黨呢輪聲勢高漲. 又揚言如果入主政府會將英國公用事業國有化
就算退而其求次再退一步縮壓回報率都好囉命
ofc個人同唔同意係一回事, 但咁多公用公司, 唯獨6同1038跌到咁唔係冇理由
壓縮回報率好攞命,退一萬步整樂觀咁諗,國有化如果出價合理,都唔係一件極差既事。
刪除咩係OFC??
of course<- XD
刪除佢咁講得出, 當然唔會係友情價咁同你買...再講1038本來就係靠收購而唔係內生增長, 先唔講現有資產, 佢斷你收購條水都頭痕
現時政治環境痴線佬特別多, 意外發展已變成新常態, 不得不防...
今日新聞先講有段錄音,Boris Johnson好buy Donald Trump,真係痴線佬遇著痴線佬
刪除我都有月供1038, Teresa May受到國會壓力,都焗住減低gas和electricity network嘅回報,今年3月提交建議比國會,2021年實施。
刪除1038標榜派息增長,但業務太集中英國(最近仲傳佢買英國垃圾發電),係減低准許回報下我都有懷疑點樣維持派息增長。
可能管理層都希望減少過份倚賴英國,所以2017三項收購都不在英國。英國早幾年經濟唔係咁好,長建當時係執到寶既。
刪除半桶水兄你好,我最近也開始寫blog,多多交流。
回覆刪除我認為長建的問題是息率不算高,市場是price in了股息的增長上去。但長建的balance sheet又不是強到可以再做大deal
安利你好,歡迎你開始寫blog,多多交流。
刪除你說的我也很認同。
1038我都係睇咗好耐,但始終對以收購來維持增長感覺不舒服,而如果當作防守性股份息率卻又不高,兩頭唔到岸,所以都係得個望字。不過依家見幅圖似乎到咗相對低位,有Mike兄加持好應該見底了,哈哈。
回覆刪除非常同意風兄形容長建為兩頭唔到岸。今次我真係覺得佢係相對低位,先夠膽入少少感受下氣氛。
刪除話都無咁快又有收購建議,澳洲天然氣管道公司
回覆刪除長建財團擬130億澳元購澳洲管道公司APA
呢單deal最好預埋1038玩😂
刪除長江基建牽頭的財團提出以130億澳元(98億美元)、每股11澳元現金收購APA,收購報價比APA周二收市價高出33%。這筆交易將擴大長江基建在澳洲的利益,長建去年以逾70億澳元收購了電力供應商Duet Group。
刪除根據APA網站信息,該公司的天然氣管道遍布澳州,輸送約一半的天然氣消費,其1.5萬公里的天然氣管道連接了130萬戶家庭和企業。
從呢單收購建議可見長和系現今之複雜。
刪除長建牽頭,但係相關股東唔通過就會變成長地獨資收購。