2017年2月27日 星期一

大鄉里搵工

話說小弟在舊年八月裸辭,等完三個月通知後在十一月便離開了工作十年的舊公司,一邊享受家庭樂一邊搵工。小弟在十年間一直也沒有在外見過工,而當年也只是見了兩份工便被請了,所以我的見工經驗真的極淺。

在這短短三個月,我經不同途徑總共報了十八份工,當中有一半進行了面試,整個過程可謂大開眼界。

Agent Smith



第一件嚇親我的事,是原來呢個世界上面有咁多agent/獵頭人!每次只要我在一個網上搵工平台更新自己的資料,第二日便必定有一個或以上的agent打俾我。了解一輪後便說手上有好工適合我,問我有無興趣,彷彿整個世界也是等著我開工咁。

十八份工當中便佔了十一份是經他們申請的,可惜目前為止還是沒有進帳,原來世界並不如他們所說般咁需要我。無論如何,他們傳授的面試貼士也是令我獲益良多的。

工作十年等如落後了6個世代?



早前網上流傳了一張圖片,話如果在一間大公司工作了十年後被解僱,你的工作技能可能已落後了6個時代。對此我深表認同,特別是我這類IT狗,被解僱與否也是一樣。世界變得很快。

想當年學生年代,最熱門的網上技術是LAMP(Linux, Apache, MySQL, PHP),現在原來已經變成MEAN(MongoDB, Express.js, AngularJS, Node.js),以混亂和難以管理見稱的JavaScript竟然愈來愈強,甚至擔起大旗。

其實現在簡單地使用WordPress,已經可以輕鬆地建立一個非常精美實用而且功能強大的網站。

做過甚麼比懂得甚麼更重要


近日睇到一篇報導,提及僱主為了減少培訓成本和縮短交接期,傾向選擇一些已有相關經驗的求職人士。簡單咁講,在CV上寫上自己懂得甚麼可以帶來面試的機會,但你的經驗才能為你帶來一份工作,最好還要在面試中清楚表示自己如何運用和解決過甚麼問題。

識人好過識字?


有關係當然好,可惜我沒有任何可以讓我帶上皇親國戚這稱號的親友,那麼便只有靠自己去建立,講既係人脈。我對港燦筆記(一個在多年前很受歡迎的blog,當時我都有追)關於甚麼是人脈的解釋印象最深刻,他實際上點寫我已經唔記得,我印象中佢話人脈並唔係代表你認識幾多個人,而係有幾多人和你工作之後仲記得你有咩貢獻,而且在將來有相關需要時會找你。

今次呢份工,非常好彩,便是由一位大約五年前合作過的舊同事介紹,幸運地佢仲記得我,又剛好我正在搵工。經過兩輪面試和手續過後,我們便再次成為同事了。

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

15 則留言:

  1. Mike兄咁後生都有咁o既慨嘆,難怪o個啲宣揚唔駛do財務自由的論調咁有市場了。

    回覆刪除
    回覆
    1. 好概嘆咩?唔通係男人的感概?哈哈哈。其實今次搵工經驗我覺得唔錯,不過如果要成日搵就咪搞了。

      唔駛do有市場,我認為教人唔駛do之後有咩搞作都有市場,好多人退休後都無所事事

      刪除
  2. 今時今日headhunt可以好容易咁搵到你份cv, 同時亦都會搵到別人既cv
    所以你接觸到既offer會多左, 但每個offer爭既人又會多左
    平常心就好!

    回覆刪除
    回覆
    1. Tam兄一語中的,另外而家好多公司都只係依靠headhunter,外人無其他方法接觸到

      刪除
  3. 原來是IT人,怪不得家庭難兼顧。這間公司是用MEAN的嗎?其實很多公司應該用Google App Engine,不過他們不知道...

    回覆刪除
    回覆
    1. 現在呢間公司並唔係用MEAN呀,無咁新潮

      我做銀行,佢哋未必夠膽直接用外界的cloud services

      刪除
  4. 人脈係重要過工作個人能力. 我近幾年都開始發現呢個真理.

    回覆刪除
    回覆
    1. 人脈都要靠自己的工作能力建立或維繫,否則識人都無用

      刪除
  5. 對我黎講, LAMP已經好夠用, 幾年前, 我仲以為是新大陸...
    不過, 我都諗過失業點算, 走行家度, 講出自己個名就得. 哈哈哈...

    我記得, 以前SEND 極CV 都無回覆...

    回覆刪除
    回覆
    1. 其實LAMP已經好夠用,MEAN是可以更方便地做client side的工作和使用非關聯式數據,各有優點

      七十兄老早便走出了打工這條路,在自己的行業亦打響了名堂,唔駛擔心啦

      畢業時的經濟情況對整個職業生涯有舉足輕重的影響,但亦都可以話因為情況夠差,機會成本低,才能逼出更多可能性

      刪除
  6. “畢業時的經濟情況對整個職業生涯有舉足輕重的影響”
    我畢業的年份是2002, 經濟仍在2000年股科網股爆破後的困局徘徊, 加上之後SARS疫症的洗禮。 當中我明白找工作的困難,和儲蓄的重要。 我們一班大學的師兄弟,普遍投資理財觀念比較紮實,謹慎, 時代的經歷絕對有影響。

    回覆刪除
    回覆
    1. 無錯,如果再早幾年仲會經歷到97年後的亞洲金融風暴。

      近日番睇緊Outlier,入面都有講到時代對事業發展的重要性

      刪除
  7. “畢業時的經濟情況對整個職業生涯有舉足輕重的影響”
    我畢業的年份是2002, 經濟仍在2000年股科網股爆破後的困局徘徊, 加上之後SARS疫症的洗禮。 當中我明白找工作的困難,和儲蓄的重要。 我們一班大學的師兄弟,普遍投資理財觀念比較紮實,謹慎, 時代的經歷絕對有影響。

    回覆刪除
  8. Mike兄本身有食力,唔怕冇人請啦!

    森而就差唔多落後左10個年代,而且冇人脈,如果再唔走出打工呢條路,將來或者只有勞動性工作選擇。

    回覆刪除
    回覆
    1. 森而兄太謙虛了,人脈既野,只要有同其他人合作過,便會慢慢建立出來

      有些行業除了轉公司,甚至可以sell side變buy side或者倒轉,機會要來的時候真係好難講

      刪除