To be with you

半桶水點樣擔起一頭家？

咪就係靠強勁既另一半以一桶半，甚至兩三桶水既力量包底。

一個咁好既女子，遇到當然要捉住唔放。在拍拖早年，我已經利用一隻純銀的手鐲將佢緊緊箍住。直到後來阿仔出左世，老婆經常需要抱小朋友，那隻堅硬的手鐲令到老婆和阿仔都痛，所以便沒有再帶。

這幾年也在有意無意間找尋替代品，早前在網上看到某皮革用品店的廣告，看見那些皮革手鐲也甚為吸引，仲要唔貴，便買了一對情侶款，索性互相箍住對方。

手鐲以意大利頭層植鞣革制成，配以手工縫制拉線、打磨及修邊，內外仲可以刻字。

刻咩字都係一個難題，最先諗到而最後亦選用了的是樂隊Mr. Big名曲"To be with you"這歌名，老土的文盲！

內部則刻了我們一家四口的英文名，細心的老婆當初刻意替阿女選了E字頭的英文名，這樣我們四人的英文名字排在一起時使是一個T.E.A.M.字，我便以這次序把我們的名字印了在這手鐲的內部。

一個甚為巨大的包裝盒，內含一樽小型皮革清潔膏和一粒海棉，還有一對印字的模具。那個模具都幾特別，唔知有無自用既機會。

---------------------------------------------------------------------------------------------------------

多謝支持睇到尾，有任何意見或感想都歡迎寫低留言，你的留言是對作者的最大支持。

如果想最快睇到我的新文章，請Like半桶水爸爸的Facebook專頁或以RSS feed和Email接收半桶水爸爸最新文章。