買衫方程式

新年就快到，傳統上華人都喜歡新年著新衫，很多人都會在年尾買定新衫過年，這個時候講甚麼"需要"和"想要"的分別實在有點反高潮，不如講上點樣揀。

在網上看到一篇文章講七條所有男人都需要知道關於買衫既方程式，甚有趣。我簡單形容為買衫，實際上作者係講點樣以最少件數及最低成本去建立一個足以應付不同場合和不過時的男性服飾組合 。

七條方程式中我最喜歡第三條，一件衣物的價值，由你的喜愛程度乘以使用次數，再除它的價錢。

我特別認同三個因素當中的使用次數。不論那件物件價錢係幾多，你用得愈多就愈值。相反買番來完全無用的話，幾平都係唔值。

所以我成日話，貴野唔怕買，最緊要用得著同埋用得多。

其實第一條方程式都好有意思，不過時的風格等如合身乘功能乘質料，三點任何一點等如零都不行，我認為這方程式適用於塵世間所有事情！

合身等如零的意思，即是不合身，即是不適合。縱使那件衣服功能幾咁好和質料幾咁靚，唔適合就係唔適合，試問塵世間有咩野唔係咁樣？