2017年3月6日 星期一

湊仔和湊女

舊年十月阿女剛出世,我豪言話要將佢育成為一個公主,搞到老婆都擔心左一陣(就係一陣咁多),驚我真係錫哂阿女縱壞佢。其實點會丫,要堅持既野我總係好堅持,同埋我心目中的公主係無公主病既。

我個女,四個幾月大啦
我個女,四個幾月大啦

市面上流行一種講法,男仔要窮養女仔要富養。好聽易記的口號背後其實想講,男仔要培養決心,女仔要建立修養,我自己都幾認同,不過無分男女,男仔女仔都應該要有決心有修養。

決心不是培養的


我相信每一個人天生都是有決心的,根據達爾文的進化論,世上沒有天生的弱者。小朋友的決心只是被大人磨滅,看街上那些扭計的小朋友便可以看到他們的決心有多大,訓地爆喊在所不辭,話唔食野就唔食野,不少大人只是用威逼利誘去教他們放棄和妥協。電影《優獸大都會》好正,主角的爸爸便和主角講他們一家擁有幸福生活就是因為從小學會了放棄和接受現實。

所以我認為決心係唔需要培養,家長要做的是教他們達成目標的方法,在街上爆喊訓地作用唔大,有部署有計劃,細路仔要在父母身上達到目標其實唔難,讓半球的父母都搞唔掂,將來點樣面對社會,從小訓練這些能力更加有助他們將來贏在終點線。

生活浸出修養


修養方面,除了言行舉止,內涵亦十分重要。我從來都唔會幻想仔女將來做咩職業,但即使未達去到以藝術謀生,但我認為基本的欣賞能力是必要的。

我認為這些欣賞能力不能短時間建立出來,反而需要在生活中浸淫出來。我們不會強迫他們看甚麼書和聽甚麼音樂,而是我們會在他們面前睇書聽音樂,平日會和他們去圖書館行書店睇表演,希望他們對我們在看的書和聽的音樂中產生興趣和好奇,自然會一步步傳遞下去。

仔女唔平等


講番我仔女,逄週未或放假我都會替他們沖涼,但有一樣野我有幫阿女做,但我幫阿仔沖左就快四年都未做過,呢樣野就係梳頭。縱使我個女而家得好少頭髮,我都堅決每次沖完涼都要幫佢梳番順佢。係男女唔平等架啦,不過我自己都無幫自己梳。

講到尾,就算只係得幾條毛,係我心中都係擁有一把秀髮的小公主。

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

8 則留言:

  1. 點止梳頭, 仲有吹頭同紮頭.

    如果係我紮,幼稚園老師一眼便看出. 哈哈.

    回覆刪除
    回覆
    1. 哈哈,我個女暫時頭髮未夠長,唔駛吹同紮。

      以前見過有工具可以幫助紮頭,唔知work唔work

      刪除
  2. 話咁快就4個月! 小公主好得意呀 ~

    回覆刪除
    回覆
    1. 真係好快就大個左好多,要珍惜這些時間

      刪除
  3. 唔知係咪女仔天生性格就公主啲,特別易發脾氣,全家都怕怕!

    回覆刪除
    回覆
    1. 真係唔知啦,個個都唔同,小朋友發脾氣好多原因

      刪除
  4. Mike兄,遲下細路大D,兩兄妹有傾有講有個伴一齊玩,真係好正。
    有個女兒, 真係多個小情人一樣, 日日都好sweet。

    回覆刪除
    回覆
    1. 我超級期待佢哋可以一齊玩既時候呀

      真係小情人,而家如果放佢坐係身邊,佢會捉住我手臂,好鬼sweet

      刪除