2017年2月18日 星期六

我KO,妳OK

“你把一切最不OK的,都自己硬啃KO了,讓我每天可以過得很開心很OK” -- 謝安琪

今次講下兩公婆既事。



對著我老婆,其實好多時我都好心痛。看見她連續四個月未試過有得一覺訓多過五個鐘,我心痛。看見她一早起身湊仔返學再趕返屋企餵女,然後轉眼又要趕去接放學,朝早七點至到晚上十一點,妳的時間也是排滿了的,當中連半小時屬於自己的時間也沒有,我心痛。看見妳週末總是堅持和我們一起去街,最後總是令到妳腰骨痛得行不了,我心痛。

好多時我都為老婆增加煩惱。我和阿仔是老婆最重要的人,看見我們互相發火,必定不會好受。不用提那次我把留給阿仔喝的湯當垃圾倒掉.......

到今日為止,我知道我仲未可以為老婆KO到咩野唔OK的事,但我會以此為目標。張繼聰做左十年老公之後收到呢句說話,我仲有幾年,希望我到時都可以做到。

講開又講,我好鍾意聽謝安琪唱歌和睇張繼聰做戲,謝安琪的<載我走>是我很喜歡的一首歌曲。

還好有你在 讓我喘息悠閒下來
就算身處洪流中 安然能無礙
你是這段鐵路歷程 無比慷慨
載我出走一趟 創傷暫時拋開

全因有你在 令我不須長留月台
就算三軍臨城中 車門仍敞開
一起走稍稍作歇息 鄉郊中望海
遺下兵荒都市 繼續競賽

沿路風光的美 震撼腦袋



---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

Related Posts Plugin for WordPress, Blogger...

14 則留言:

  1. 最近在看一本書,書名"正常有什麼好,不正常,更好" ,作者是dale archer, 可以讓自己了解八種傾向既強弱,雖然不是說夫妻相處之道的書,但我想也能令Mike兄你有所得著。
    另外,載我走也是kay既歌中我最喜歡的, 因為聽上來真是很舒服窩心!(香港較少有既非怨恨情歌XD)

    回覆刪除
    回覆
    1. 多謝介紹,等我留意下先。個書名幾吸引,某些方面不正常才能突圍而出。

      Kay好多歌都好好聽和有意思(雖然佢唔係負責填詞),佢仲要好有guts,先後兩次為了家庭暫別樂壇

      刪除
  2. 天下父母都辛苦...但我身邊有哋懶瞓豬couples,一生B就即刻請賓賓,用金錢換休息時間=_=

    回覆刪除
    回覆
    1. 家家有本難念的經,休息得夠,精神比較好,變相陪伴小朋友既時候心情和質素都較好。但要搵一個唔產生其他問題既工人,真係好難

      刪除
  3. 老婆應該最想有人可以KO晒啲家務同財政問題,專心做個靚媽!

    回覆刪除
    回覆
    1. 老婆做個開心靚媽,最著數既都係我哋,哈哈哈

      刪除
  4. Mike兄你太太睇咗呢篇應該會冧哂:)

    回覆刪除
    回覆
    1. 我老婆好實際架,空頭支票不為所動,我做到先算啦

      刪除
  5. 好多媽媽都是辛苦的啦, 不過好少男人會見到 :)

    回覆刪除
    回覆
    1. 好多人都以為做全職媽媽好輕鬆,我只係諗下已經覺得唔容易

      刪除
  6. 半兄兩公婆努力撐下去, 總會有回報的!

    回覆刪除
  7. 其實張繼聰D歌都好好聽
    我而家仲聽緊佢十幾年前出道時既歌,
    好似: 烏蠅鏡、mad u so、彈弓手、慷慨、這一秒; 大部份歌都係佢自己作曲填詞主唱

    HH

    回覆刪除
    回覆
    1. 多謝介紹,要聽下先,香港樂壇都有唔少滄海遺珠

      刪除