2015年11月1日 星期日

小童遊台北

明天便回港,現在得閒寫低台北有咩適合細路玩。

親子館。台北政府為了給予家長和小孩有一個健康和安全的遊樂地方,在台北各區都設置了免費的親子館。我們事前已經確認,海外兒童是可以免費使用的,網上登記入會後更可預約,不用現場排隊。我們落機當日便去了其中一間,內有多種大肌肉設施,十多樣訓練小肌肉和手眼協調的遊戲,亦有一些認識身體和不同職業的裝置。上下午各一節,一節三小時,有限入場人數,滿人後可排隊等人走,走一個入一個。幸運的話可以即場參加一些免費活動,我們便短暫參加了一個類似playgroup的活動。我認為適合一至六歲的孩子。

台北新樂園。需要少量入場費,機動遊戲逐次收費,另有室內和室外不用加錢的遊樂設施。識行識走就可以去。玩到咩機動遊戲就視乎高度和膽量。

大安森林公園。我們事前調查發現台北的公園無香港的公園咁多野玩,上網見好多台北人都話呢個公園好多兒童遊樂設施,仲有大沙地一個(純粹亂估,台北因為唔近海,唔容易去沙灘,所以才在公園劃一部份俾細路玩沙,新樂園都有一個沙地),可惜去到維修緊,咩都無得玩!不過咁大個公園,勁多空地,竟然只得一個兒童遊樂場,唔通真係淨跑草地?

動物園。唔駛多介紹。抵玩抵睇仲想點?

中山紀念堂。台北家長假日好鍾意同小朋友係度玩,我們扮當地人,星期日下午係度放風箏!

萬聖節。萬聖節的下午去了天母區一個萬聖節活動,原先諗住好普通小學雞活動,事實係我地兩公婆見識少!原來台北人勁重視萬聖節,現場所見,幾條街加一個好大既公園都係扮鬼扮馬既家長和小朋友,巧勁!

買書。台版書大多本身有特價和匯率比香港書店好,所以一定抵買。建議家長可於香港先上網細選(部份遊戲書有影片示範)和訂購,再送去酒店代收,可以省回在現場選擇的時間(小朋友未必有耐性陪你睇太耐)。

2 則留言:

  1. 回覆
    1. 而家去旅行主要都係影個仔玩,風景相一張都無,無咩參考價值

      刪除