小童遊首爾

早幾日剛從首爾回來，首爾一向給人的印象以食買玩為主，好像並不太適合小朋友，今次特別分享下小朋友在首爾有咩好去處。

首爾兒童大公園。勁大，有動物園，有兒童遊樂場，有機動遊戲，有動物表演睇，入場免費，機動遊戲和睇表演要收費，有得租BB車，十分值得去，可以玩足大半日。

KBS電視台。免費參觀，好多野玩，可以扮新聞報導員，可以幫卡通片配音，可以扮拍攝音樂節目，有得睇電台配音道具，小朋友好鍾意，夠玩個幾兩個鐘。

汝矣島漢江公園。位處海邊的超大草地公園，細路仔可以不斷狂奔，直至無力。十分希望香港都有一個咁舒服既公園。

晨靜樹木園。賞花好地方，有得租借BB車。

小法國村。影相，跑上跑落，打下不同年代的足球機。

小貼士，去晨靜樹木園和小法國村最好坐ITX青春線列車，雖則一個鐘先得一班車，但比站站停又無劃位的地鐵舒服快捷。