醫療券

半桶水爸爸除左係一個爸爸，亦都係一個仔仔（都係得半桶水），亦都係一個女婿（又係得半桶水）。近日四大長老遇上一些醫療券的問題，半桶水爸爸為此找了一些資料，現在此分享給大家。

首先，醫療券只以電子形式存在，持有人並唔會見到實物（緊記提醒家中長者，以防被騙）。任何港人只須在年滿七十那年的一月一日起便可在參加了醫療券計劃的醫務所開通户口，唔駛等到生日個一日，之後户口就會有兩千元以供使用。

開通户口之後，當前往參加了醫療券計劃的醫務所時，記得在登記時和姑娘講要用醫療券，之後俾身份證姑娘登記就可以。睇完醫生之後，姑娘會印番張收據，上面會寫明今次用左幾多錢同埋剩低幾錢。

每年一月一日，政府都會將新資金存入醫療券户口（現時制度是兩千大元），所以大家記得一合資格就去開户口，無户口係無錢分架！

户口內用唔哂既錢可以儲低，但設有上限，現時上限是四千元。即是假如年尾你仲有兩千五百元，咁之後一月一日都只會變成四千元，而唔係四千五百元！！

參加者平時如果想查下自己户口有幾多錢，其實去番醫療券網頁，入番身份證號碼和出生日期就得。