2018年9月19日 星期三

完全Facebook分手手冊

大家身邊總有幾位減肥專家,熟悉坊間各種不同減肥方法的操作方法和各自的利弊。他們通常都有一個共通點,就係講多過做。

和他們類似,我自己便是一位停用Facebook的專家。但現實是幾分鐘前我還在掃面書,每次拍照之後(其實係拍照前)便會想分享到Facebook,中毒極深。

早幾日去左灣仔蛇王燊食蛇羹加蛇腩煲仔飯加蛇湯,都不忘去Facebook呃like

Facebook見證著我在過去十多年的生活,從拍拖到結婚到孩子誕生到孩子成長,記錄著我人生的各個重要時刻,還聯繫著我和很多朋友的日常,功不可抺。

問題是愈來愈多的廣告,愈來愈少人更新,愈來愈錯的投放排序算法。最大問題是玩得太多。

所謂病態使用者,是一有空檔便立即打開掃幾下,不論空檔有幾短,甚至在一些不適當的時間。

如果大家好似我咁,想減少使用Facebook的時間,但又唔知點做,可以參考下面既方法。

1. 關閉手機提示通知 - 這個幫助很大,要知道Facebook上的通知是排山倒海地多。某人生日,某人和你在FB上做了N年朋友,某人tag了你,某人回應你了。我既諗法係,多謝通知,但我唔需要立即知道及作出反應。

2. 使用網頁版FB - 下一步便是增加使用的難度了。把apps刪除,使用網頁版的Facebook。但我親身實驗證明,這幫助不大,因為人家的手機網頁版做得很好,並沒有做成甚麼使用不便,所以要用埋下面既第三招。

3. 使用不留痕網頁版FB - 這方法是從史兄那邊學回來的。不留痕網頁,即係瀏覽器不保留瀏覽紀錄。簡單講便每次使用都需要重新登入,諗起都煩。而且總是使用不留痕網頁,會令旁人誤會你在看愛情動作片。

4. 停用 - 就係唔用,如果你真係做到的話。不過如果你真係做到,病情唔係好嚴重。

5. 把帳戶關掉 - Deactivate你的帳戶,甚至delete你的帳戶。咁如果你在事後重開一個新的帳戶來玩,坦白講,你沒救了。

平心而論,Facebook上真的有很多有用的資訊,早幾日的超強颱風山竹,大家有那個消息不是在Facebook先看到的,社區群組更將倫理互助的真善美展露出來。

我們使用Facebook,屬於被動式接受資訊。它的人工智能透過我們的使用習慣,投放它認為我們喜歡的資訊(和廣告)。

被動式接受資訊係好,但需要適可而止,海量的資訊永遠睇唔完。而我平日習慣先睇Feedy上自己選擇的資訊,之後才掃Facebook。

希望大家能夠善用高科技帶來的方便,而不是沉迷其中。

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

這是你的第一次到訪嗎?由這裡開始認識我們吧。

想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

Related Posts Plugin for WordPress, Blogger...

18 則留言:

  1. 沙發!!!
    呢篇寫得好好笑,用病情黎形容。

    好有台灣電玩人寫攻略0既感覺!

    回覆刪除
    回覆
    1. 哈哈,過份沉迷真係一種病黎架

      刪除
  2. //想最快睇到我的新文章,請Like半桶水爸爸的Facebook專頁或以RSS feed和Email接收半桶水爸爸最新文章。

    點解仲有呢句?

    回覆刪除
  3. FB心癮+1,但發覺Facebook愈來愈多廣告同社群消息,個人分享已經愈來愈少啦。

    回覆刪除
    回覆
    1. 對呀,很多人都只是看,連like都唔俾。。。

      刪除
  4. 如果有用開 Feedly/Inoreader 呢類RSS reader, 可以Login Facebook account然後再Mon住相關既Facebook page, 基本上可以大大減少使用Facebook

    回覆刪除
    回覆
    1. 原來Feedy可以mon mon Facebook pages?!

      正呀!!

      刪除
  5. 病態使用者+1

    而家公司可以開facebook, 我電話有時又睇, 電腦又睇, 雙重中毒呀...><

    回覆刪除
    回覆
    1. 呀,公司電腦都開到,真係太過引人犯罪了

      刪除
  6. Delete 左 FB app 好耐
    本來主因是入侵性太強,電池倒水太嚴重,結果"不小心"戒甩埋 FB 癮

    回覆刪除
    回覆
    1. 好厲害呀,戒得到。。。

      我都試過因為電話無位而刪FB apps,後尾忍唔住去用網頁版,再之後就用FB lite。

      刪除
  7. 小弟戒左FB好耐了,不過改為中左BLOG毒,遲下會中埋皮老闆群組毒...

    回覆刪除
    回覆
    1. 三人兄好勁呀,我仲係戒唔到。。。。

      Blog唔算毒啦,自己揀黎睇,起碼有自主權,皮老闆慈善群組就更加係心靈洗滌好地方

      刪除
  8. 戒緊了, 小朋友相都唔想UPLOAD 去PERSONAL ACCOUNT.
    只用FACEBOOK 做FANPAGE.

    回覆刪除
    回覆
    1. Facebook上面真係有小孩私隱問題,要好小心咁玩

      刪除