2018年10月25日 星期四

我有今日

一早起身去跑步,拉筋的時候望下網上新聞,標普500和道指急跌蒸發全年升幅,納指破七年單日最大跌幅。然後加埋恒指日瀉數百點,騰訊不斷破底,匯控被橋水沽空一億股。世界末日到了麼?

未到既,要跌仲有好多空間去跌,反彈隨時有(只係偏偏港股無),錢財身外物,太著緊反而累事。

作為一個人類,如果經常需要以身家、收入和權力來刷存在感和令自己快樂,可能有人鍾意呢種方式,我自己就唔係咁接受呢一套。

2018年10月20日 星期六

債務基金派發本金(Return of capital)

利大本無歸。。。

在香港的巴士車身、電車車身及地鐵站內,我們經常看到很多債券基金(或股債混合型基金)的宣傳廣告,以高息作招徠,看似合理的回報,有專家團隊管理,好像很穩定和安全似的。


細心的投資者發現,這些高息債券基金的派息有部份來自投資者的本金,而不是買賣債券的收益或債券的利息。

2018年10月4日 星期四

半桶水基金2018第三季季結

想當年民間特首係《嚦咕嚦咕新年財》同大家講越爛既牌就要越俾心機打,當年講既野比今時今日好聽得多。其實係鏡頭前面都係做戲,大家無謂投入太多感情。

《嚦咕嚦咕新年財》

咁今年或今季的投資市場到底有幾爛?其實爛有爛玩,散戶比基金優勝於自由度大,可以隨意換馬、遊走不同市場、沽空甚至極保守地揸大量現金。

第三季盈富基金比上季下跌5%,但同時VOO上升7%和QQQ上升8%,事後孔明咁睇,縱使好似我咁唔識沽空,如果識得揀市場,還是有人可以享受高達一季8%的增長。