2017年10月9日 星期一

給一年經驗的你

上星期五夜晚,臨訓去睇下阿仔訓成點,嚇左自己一大跳。做咩換左另一個人,手長腳長,成個小學生咁既身型,原來阿仔你不知不覺已經變到咁大個,原來你已經做左一年哥哥了。

現在重看一年前你坐在梳化小心翼翼的抱著剛回家的妹妹,笑到見牙唔見眼咁既樣,就好似幾日前發生既事咁,雖然中間已經發生了很多難忘的事情。

今個月在公司的每一天,也看著你這個樣子,百看不厭

只是轉眼間,阿妹便已經由一團軟淋淋的東西,變成現在識得扶著東西行。阿妹早前還超班地贏了一個爬行比賽,一定係因為總是在家追著跑來跑去的哥哥吧。

一年經驗的哥哥,雖然你現在的口頭禪是"零至三歲唔玩得!",但在爸爸的眼中你實在是個了不起的哥哥,你犧牲了很多,你也妥協了很多,你真的做得很好了,我以你為榮。

大部份時間也是很溫柔和有耐性的哥哥

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

12 則留言:

  1. 回覆
    1. "零至三歲唔玩得!" 幾關心細妹,哈哈哈

      刪除
  2. 等妹妺大個小小,兩兄妹就可以一起玩啦。

    回覆刪除
    回覆
    1. 係呀,到時無得講"零至三歲唔玩得!"黎趕走阿妹

      刪除
  3. 同樣有兩個小朋友,阿哥有左細佬後,由同細佬爭寵,到越來越有大哥的模樣。真係好感慨

    回覆刪除
    回覆
    1. 你好呀,成日都有人講,生兩個小朋友就辛苦頭幾年,之後到佢哋識得一齊玩,做咩都有伴既時候就係父母舒服既時間,我好期待架

      大哥的模樣,呢樣野真係突然之間走出嚟,擋都擋唔住

      刪除
  4. 看着小朋友長大會覚得好幸福!

    回覆刪除
  5. Mike兄大仔愈來愈有大哥的風範,妹妹十分幸福呢^^

    回覆刪除
    回覆
    1. 佢自從做左阿哥之後,佢全班同學都跟左老師叫佢做哥哥,好有霸氣

      刪除