2017年4月3日 星期一

小手牽大手,跑足八百米

你試過和孩子手拖著手完成一個賽跑比賽嗎?我試過,我真係試過。


在剛過去超好天的星期日,我們參加了一個八百米的親子障礙賽。賽事在中環海旁舉行,參賽者需要在場內通個六個障礙關卡,並且圍繞會場跑一圈,全長大約八百米。



賽事中有一個小插曲。當我們在集合區前輪候出發時,阿仔跟我說他害怕那個需要跨過的自動旋轉棒陣,他說驚自己跨唔過。我跟他說爸爸會和他一起,有需要時爸爸會協助。

可能男人真的天生便是一個戰士吧。一踏上起跑線,我便完全看不到他的擔心。到達那個他害怕的障礙物時,他不作任何思索便直接衝上去挑戰了!

波波陣。佢驚既唔係呢個。

當我們正在繞著場地跑時,就在那個摩天輪之下,我讚賞他剛才很利害突破了那個旋轉棒陣,我問佢知唔知道爸爸手臂上寫了甚麼,他說不知道。


我說那是“我做得到”,爸爸知道自己做到,亦有信心你做得到,他一邊跑一邊大聲回應了一句,GOOD!

大佬駛唔駛咁型呀?

你試過和孩子全程手拖著手完成一個賽跑比賽嗎?我差少少試過。開跑前我問阿仔想拖住跑定係就咁一齊跑,他揀拖住跑。結果只跑過了第一個彎位,他便說不如唔好拖住跑了,哈哈哈。

爸爸明白,爸爸真係明白,家長照顧太多只是拖後腳。跑吧阿仔,每個人的人生也是自己的馬拉松,選擇自己的賽道,努力跑吧。


多謝老婆在烈日當空下抱著妹妹和我們打氣及拍攝!

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

13 則留言:

  1. 非運動型的我,呢D很肯定包尾。。。
    如有親子打機比賽可以一戰,哈哈。

    回覆刪除
    回覆
    1. 七十兄,完成到就當赢架喇,邊睇名次架,哈哈哈

      刪除
  2. Mike兄真係有心,會帶囝囝參加不同親子活動,大多數爸爸都係帶小朋友去樓下公園玩就算!

    回覆刪除
  3. Mike兄真係有心,會帶囝囝參加不同親子活動,大多數爸爸都係帶小朋友去樓下公園玩就算!

    回覆刪除
    回覆
    1. 我都係第一次參加親子賽跑,今次其實我哋係未夠秤參賽,哈哈

      森而兄經常和仔女去唔同地方玩,都非常有心。

      我覺得最重要係花時間,專注地陪伴小朋友,製造共同回憶,做咩反而無咩所謂。

      刪除
  4. Mike兄真係一個好爸爸,趁囝囝仲細多D參加親子活動,大個未必浸你玩啦,哈哈。

    回覆刪除
    回覆
    1. 係呀,過多陣我就只可以做觀眾去睇佢比賽,再過多陣佢就唔鍾意阿爸跟住架喇

      刪除
  5. 相信過程最快樂,是美好的經歷和回憶

    回覆刪除
    回覆
    1. 係呀,真係深切體會到咩叫享受過程

      刪除
  6. 你們的親子合照及活動都好開心👍另我FB成日彈出Mike兄你的friend suggestion😂😂

    回覆刪除
    回覆
    1. 竟然係咁?!哈哈,咪做過朋友囉

      刪除
  7. 好多人都排住工作忽略自己既小朋友,其實應該好似Mike兄咁,趁小朋友重肯跟自己去玩,盡量多抽時間,始終大左佢會有自己既圈子,到時後悔都黎唔切

    回覆刪除
    回覆
    1. 係呀,對於小朋友黎講,頭幾年父母就係佢哋既全世界,之後父母佔既地位愈來愈少,父母真係要好好珍惜這段日子。

      刪除