2017年4月21日 星期五

30 days challenge

在三月頭的時候開始了一個30日的挑戰,挑戰自己每天都要做運動,以下是挑戰內容和結果。

挑戰:每天都要進行三組十五下的深蹲(Squat)和一分鐘的平板支撐(Plank)

呢個唔係我...

檢測辦法:分別在第一天和最後一天上磅,量度身體的重量、體脂度、水份量和肌肉量

其他因素:飲食基本上無節制,返工不斷食零食,午餐餐飲總是奶茶或汽水。但值得一提是中途因為腸胃炎呵左幾日,體重應該因此下降了。為了減低誤差,我在開始挑戰前的數天已經開始每天進行運動。

提醒方法:在Google Keep設定了每晚十一時發一個提示。

結果:很可惜,挑戰是失敗了的。因為腸胃炎個幾日實在手軟腳軟,停止了三天。除此之外,每晚都能夠在訓覺前完成,不過真係超級眼訓。以下是上磅的結果。

重量:146.4 -> 142.8
體脂度:28.3 -> 24.7
水份量:48.7 -> 51.2
肌肉量:42.5 -> 44.1

首先請唔好問我咩係體肪度、水份量和肌肉量,因為我都唔知,只係屋企個磅有顯示這些數據。單純從數字上睇,四粒數的改變都係靚仔的,重量輕了、體脂度降低(但依然被評為過胖Obesity)、水份和肌肉都增加了。

上一篇文章講我們一家去了台中南投旅行,旅行的日子開始前一天正是30日挑戰結束的前一天。在回港後我再一次上磅,除了體重不變外,其他三個數字都有所回落,即是部份肌肉變回脂肪了。哈哈哈,港豬旅行就是不斷食,而且我在途中也沒有運動。

這次挑戰看似成效不錯,值得繼續進行,會即將展開60天挑戰,將來甚至可以提升難度。有機會再作分享!

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

14 則留言:

  1. 有没有兴趣踢波?😊 我逢星期六pm一定有波踢,多數石硤尾深水埗一带。七人石地友賽,冇壓力純粹運動。

    回覆刪除
    回覆
    1. 多謝你呀喜爸爸,真心好想應承你。對於我呢D打工仔,星期六家庭黃金時間,好難可以走得開。我去打波變相辛苦左老婆。早幾年都有打下籃球友賽,生仔之後都斷絕哂了。

      十分感激和多謝你的邀請!!

      刪除
  2. 好吸引...
    可惜我一定做唔到!

    回覆刪除
    回覆
    1. 70兄,未試過點知,事在人為既,你行動力一向好強,好可能一做就好快有效果了

      刪除
  3. 好有恒心,加油!
    我想維持一個禮拜去兩次健身室都做唔到,呢排每個禮拜只去到一次。

    回覆刪除
    回覆
    1. 風兄,去健身室需要既時間多好多,我呢種運動十分鐘內搞掂,無得比較既。

      刪除
  4. 岩岩做squat真係唔容易,做完一組已經腳震

    回覆刪除
    回覆
    1. 賢言咁fit都做到腳震,唔通揹住幾十磅鐵做?

      刪除
  5. Mike兄加油👍到時FB update肌肉相啦

    回覆刪除
  6. 對於要湊仔嘅我,都係日日係屋企做squat + plank + 一個星期跑兩次5km。始終見到自己小朋友越來越大,自己更需要為自己健康負責。

    回覆刪除
    回覆
    1. 好利害呀,分配到時間跑步...我大仔出世後第一年我重保持到一星期晨早跑兩至三次10K,之後愈來愈疏,阿女出世之後甚至完全停頓了,整個最適合跑步的秋冬只跑了一次。

      刪除
    2. 有冇考慮買可以折埋嘅健身單車?

      刪除
    3. 無呀,隻腳有少少問題,玩唔到單車

      刪除