親子行山 — 荃錦自然教育徑

近排天氣咁好，正適宜登高行山。上星期我們便拜託了婆婆照顧阿妹，兩公婆和阿哥去了位於大帽山的荃錦自然教育徑行山。

荃錦自然教育徑全長約兩公里，一個多小時行完。幾乎全程都有樹蔭，唔怕曬黑。沿途有小量上落斜山路，比純粹行平路有趣味，而且斜度不高，小朋友行都唔會覺得辛苦。略嫌路面碎石太多，小朋友不小心會容易絆倒。

因為是教育徑，所以沿途都有不少指示牌教導大自然的知識，家長可以和小朋友一起探索和協助了解。我們便一起討論了樹木被砍伐後的作用和甚麼是防火林，讓小朋友發揮創意亂咁估也是很有趣的事。

此路線風景一般，可以望到大帽山山頂個波波塔，中段有一個觀景台，理論上可以看到青衣至港島一帶，但當日煙霞較多而且觀景台前方很多大樹包圍，無咩野睇到。較特別是中途會經過一個滿佈牛屎的直升機停機坪，甚壯觀。

交通方面，荃錦自然教育徑其實是一個圓形的行山徑，起點和終點是在同一地點的。大家可以在荃灣乘坐51號巴士到郊野公園站，車程約十五分鐘，落車向後行數分鐘便到可以看到入口。

需要注意51號巴士的班次，平日該車班次為一小時一班，我無打錯你無睇錯，係一小時一班！假日可能因為多人上大帽山遠足，十五分鐘一班。個人意見最好假日去，否則去程最好校好時間。回程便睇彩數，我哋便走了車，下一班車要等五十分鐘，我們索性行多兩公里去川龍坐綠色小巴番荃灣。

半桶水爸爸認為荃錦自然教育徑路程及難度適合剛開始行山的小朋友，因為部份路段碎石較多，建議家長拖實幼兒的手仔行，如果有五六歲或以上便隨他自由發揮吧。

大家有無行過呢條山徑？有沒有和小朋友行山的特別經歷？

---------------------------------------------------------------------------------------------------------

多謝支持睇到尾，有任何意見或感想都歡迎寫低留言，你的留言是對作者的最大支持。

如果想最快睇到我的新文章，請Like半桶水爸爸的Facebook專頁或以RSS feed和Email接收半桶水爸爸最新文章。