2017年1月9日 星期一

半桶水資產配置 - 開始運作

早前年尾決定重整一下自己及家人的資產安排,成立了一個投資基金和高息基金,兩個基金分別有各自的投資目的和風險程度。我在十二月中已經進行了一些買賣,為兩隻基金在一月開倉作準備。現在特此記錄一下基金啟動時的情況。

基金開始運作,仲有好長既路要走呀!
基金開始運作,仲有好長既路要走呀!

正如我在資產配置一文所說,我為兩隻基金都定下了在不同資產類別的投資比率。理論上我應該如實操作,可惜自己尚未擺脫散户的特性,喜歡去評估市場對股票的定價,主觀地認為部份股票實在未達適宜買賣的時機,所以實際上部份類別在開始時並未達到目標的比率。

唔好意思,上面講左大話,不是部份類別未達目標,其實係全部都未達,哈哈哈!

以下就係兩隻基金在一月一日開始時的情況,這類型的總結會一季一次,有任何意見和指教請提出,我會非常感激,因為小弟都係邊做邊試。

投資基金 — 追求優於大市的回報


投資基金
日期 指數ETF 個別股票/期權 REIT 現金 總數
目標 50% 30% 10% 10% 100%
1/1/2017 33.1% 36.59% 5.03% 25.28% 100%

雖然在十二月減持了偉易達和沽清建設銀行,但亦同時買入了大快活,所以個別股票類依然比目標的30%高大約7%。另外還持有招商銀行、金沙、亙太和SOHO,當中兩隻已經決定到價即沽清。

將賣走建設銀行的資金全數買入恆生H股ETF,效果一般,個人認為H指內太多垃圾,現時只是不想全部都是盈富基金。美股不斷破頂,現時沒有勇氣買入相關指數,可能最後都只能增持盈富基金去達標。

REIT的價錢比半年前平了很多,入了置富,會搵機會增持或者入埋冠君。買入置富的原因是我認為它是現時市場上最接近大眾民生的商場REIT,領展部份商場根本無人去,而且價格入面包含了太多對資產改善的期望。放冠君入目標是因為它擁有香港上市REIT內最優質的資產,雖然它就是只有這兩個資產。

高息基金 — 追求穩定和優於一般存款的利息回報


高息基金
日期 現金 高息優先股 總數
目標 70% 30% 100%
1/1/2017 80.27% 19.73% 100%

好簡單,未買夠。現時只得一隻HSEB,需要增持或買入HSEA和BCS-D去分散一下被收回的風險。不過要小心巴克萊,因為佢有前科,之前收回過幾隻優先股。

現金在一月會收到三厘息,是早前的射倉優惠,之後會轉回按揭掛鈎存款。

以上就是我兩隻基金的開倉情況,大家2017年的開局情況如何?

---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feedEmail接收半桶水爸爸最新文章。

Related Posts Plugin for WordPress, Blogger...

4 則留言:

  1. Mike兄的資產重置弄得頭頭是道,祝2017大豐收:)

    回覆刪除
  2. 行動力好強,咁快已經有初形。

    另外非常同意對領展睇法,附近個領展大裝修完只係威左兩年就打回原形,租約一完就愈來愈多吉舖,連百佳,酒樓都要執,根本居民消費力冇增加整幾靚都冇用,領展只係攪化妝製造泡沫。

    回覆刪除
    回覆
    1. 個組合現時只是非常初型,如果我夠狠就應該合埋眼跟足計劃去買

      無可否認領展潛力大,但我唔識判斷現價是否已經完全甚至過份反映。

      我自己比較鍾意置富,佢極大部份鋪位都係租緊俾補習社、醫務所和快餐店呢類民生必需品,抗跌能力好強

      刪除