2016年8月29日 星期一

持股的跟進

差不多兩年前寫過自己的投資原則投資壞習慣,今次就講下投資後的跟進,當然不單只買左咩股票就幫襯咩公司咁簡單。

前人教落,買入一隻股票時要寫低買入的原因,以及需要注意的事項,方便日後定期跟進。跟進時要確保買入原因依然成立,和跟進一下需要注意的事項,以檢視公司有沒有變質,自己是不是投資在一樣自己想投資的股票上。



這個道理很簡單,理論上買入之前應該做了一些研究才決定買入,亦應該有一些導致買入的原因。如果買入後只看股價做人,未免太不理智。過了一兩年後,當初的記憶已經無左七七八八,從新研究由零開始亦未免費時失事。一開始便將買入原因寫低,便省卻了一些時間,亦有效地令自已更清楚買入的原因﹝寫出來和只在內心幻想的分別﹞。

偏偏咁簡單又似乎很正確的道理,並不是很多人做到,半桶水爸爸就係其中一份子。一直想做,但就係一直都無做。我會定期檢視持股,通常在業績公佈或有特別消息之後,但係研究完之後從來都唔會特別寫低要點,一陣子之後便會忘記。而且業績的著眼點是公司運作如何,一間運作良好的公司,可以已經完全變了質,變成和當初買入的原因完全無關。

今天下定決心,為手上的九隻持股簡短地寫下持有原因及注意事項。

九隻股票中有三隻我都寫上了穩定收入為其中一個持有原因,如果投資係性格既延續,咁我都真係幾追求穩定。同時我亦為兩隻寫上了期望某國家或行業復甦,他們也是我在接刀接到滿手鮮血所留下來的。合埋咁睇,似乎我都幾鍾意穩定地接刀。

令我感到震驚的是,當中有兩隻真的諗唔到繼續持有的原因,都係盡快賣左他們吧。

相關文章
---------------------------------------------------------------------------------------------------------

多謝支持睇到尾,有任何意見或感想都歡迎寫低留言,你的留言是對作者的最大支持。

如果想最快睇到我的新文章,請Like半桶水爸爸的Facebook專頁或以RSS feed追蹤半桶水爸爸

24 則留言:

  1. 你的投資好有紀律呢!

    有冇邊隻同當初持有原因不同, 但又因為其他原因KEEP 住?

    (如內銀再減派, 可能我都會沽Q左佢.)

    回覆刪除
    回覆
    1. 如果一直都有咁做就係有紀律,我而家先剛剛開始,睇下係咪保持到。

      持有原因中途改變係可以接受既,最重要係自己要知道自己做緊咩。

      隻股票做唔到自己想佢做到既野,又見唔到短期有改善既機會,沽q左佢絕對係非常正確既行為。

      刪除
  2. 呢個係一個很好既方法. 我都喜歡寫低原因. 好多時買完隻股票自然有很多主觀憧憬, 所以沒有紀錄和策略的投資, 十分危險.

    互相加油!

    回覆刪除
    回覆
    1. 無錯無錯,主觀憧憬真係有時害死自己,好容易變左自己幫自己解話。

      多謝支持,一起努力,認真投資有好報。

      刪除
  3. 拿寫blog作自己分析買賣股票的記錄,這習慣很不錯,我有時亦會回看自己的舊文,看看三幾年前自己的想法如何,有時會感到非常有趣的。

    回覆刪除
    回覆
    1. 我的持股原因暫時不會放在blog內,只是十分簡單的幾個point,自己參考就可以,無謂影響別人了。

      閒時睇下舊文章,就像正在閱讀一個老朋友的往事,我也覺得很有趣。

      刪除
  4. 一直想做定期檢視持股:手持十支以上的股票,要每一支都定期跟進真的很難,愈來愈明白為何同時只要持有幾支股票的道理。

    回覆刪除
    回覆
    1. 太多真係難控制,特別是業績期,睇業績都有排睇。

      又要做取捨,多幾份投資,定係留番時間俾其他野。

      刪除
  5. Mike兄真係好有紀律!持股9隻,有時真係會唔太記得個别股的業績及變動,所以記錄下來也有益處。

    回覆刪除
    回覆
    1. Investing through discipline

      想做同真係做到有分別,開始做到同一直做到又有分別,一起努力吧。

      刪除
  6. 回覆
    1. 當然啦,真金白銀自己錢,得來不易,當然要認真處理

      刪除
  7. 定期做review真係好重要!

    回覆刪除
    回覆
    1. 無錯。不過有時都會覺得自己做得好表面,無其他師兄弟們做得咁深入。

      刪除
  8. 其實有o係業績期跟進持股已經唔錯,我自己都係咁做,最多間中睇下持股既相關新聞。

    回覆刪除
    回覆
    1. 其實我們這類業餘投資者係幾危險。以我為例,以為自己做左功課,但其實只係好表面咁睇下業績,重感覺多於計算,可能係靠運氣居多。

      刪除
    2. 都係架,所謂做功課,其實都係睇下業績,上網左搵右搵其他人對呢隻股既評價,再自己做總結。但所謂既分析,一黎唔知岩唔岩,二黎財務報表係咪真係識睇,當識睇又唔知有幾多成係真,所以我都認同係講運多。

      刪除
    3. 所以我都愈轉愈多去指數etf

      刪除
  9. 最近我都有寫得原因同睇完業績寫少少觀察點啊~ 到下次考慮增持/減持時有很好的提醒作用。

    回覆刪除
  10. 森而係少數退步既人,以前曾經有記錄買入原因,但後來停左,除左因為懶之外,仲覺得會陷入心理盲點,一直尋找證據證明自己買入原因無錯,直到無得救為止。

    回覆刪除
    回覆
    1. 真係要注意心理盲點,好容易去搵野證明自己正確,眼中只有自己想睇既野。

      刪除
  11. 我都是喜歡透過寫bolg紀錄自己的想法和學習,是很不錯的習慣! 加油!

    回覆刪除
    回覆
    1. 多謝支持。

      有時都會覺得這些文章有時間性,過了一排可能變得失去參考價值,畢竟作者無可能在一篇文章中將所以要點寫下,但用作反省或回顧一下自己的思考方法也是不錯。

      刪除